Tag: NU іс-шаралары

Назарбаев Университетінің Әлеуметтік даму қоры елдегі волонтерлік қозғалысына қолдау көрсетуге, сондай-ақ халықтың әлеуметтік осал топтарына көмек көрсетуге бағытталған бірқатар бастамаларды жүзеге асырды. Назарбаев Университетінің барлық қауымдастығы секілді Әлеуметтік даму қоры COVID-19 вирусының таралуын тежеуге бағытталған шараларды қолдайды.

20 қазан – Дүниежүзілік остеопорозбен күрес күні. Бұл сүйек тінінің тығыздығы мен құрылымы бұзылатын, созылмалы прогрессивті қаңқа ауруы.

2020 жылғы 15-16 қазанда Назарбаев Университетінің Жоғары мемлекеттік саясат мектебі (ЖМСМ) Ли Куан Ю Мемлекеттік саясат мектебі және Астана Мемлекеттік қызмет хабымен әріптестікте «Орталық Азиядағы орнықты даму мақсаттары және COVID-19 сын- қатерлері» тақырыбында жыл сайынғы төртінші конференция өткізді. Онлайн форматта алғаш рет ұйымдастырылған конференцияға Қазақстан, Өзбекстан, Қырғызстан, Грузия, Ресей, Ұлыбритания, Түркия, Грекия, Италия, Канада, Словения, Сингапур, Израиль және АҚШ-тың зерттеушілері, ғалымдары, сарапшылары, мемлекеттік қызмет практиктері және студенттер қатысты.

НУ қоғамдастығы бұрын болмаған зұлым вирустың елімізде таралуының басынан бастап оған қарсы күреске белсенді түрде тартылды, оқытушылардың тәжірибесін, кампус инфрақұрылымын, материалдық-техникалық қамтамасыз етуді және басшылықтың қолдауын пайдалана отырып, пандемиямен күреске өз үлесін қосуға тырысты. Кампуста және одан тыс жерлерде тұратын студенттердің, ОПҚ және НУ қызметкерлерінің денсаулығы, қауіпсіздігі және әл-ауқаты университет үшін маңызды.

Жоғары буындағы 50 мемлекеттік қызметші «Жаңа формация басшысы» бағдарламасы аясында оқытудан өтті. Тренингке вице-министрлер, облыс, қала және аудан әкімдерінің орынбасарлары, Президент Әкімшілігінің бөлім басшылары, сондай-ақ президенттік кадрлық резерв өкілдері қатысты.

Төтенше жағдай режиміне және карантин енгізілуіне қарамастан, НУ қауымдастығы өкілдерінің ғылыми-зерттеу қызметі мен қоғамдық белсенділігі одан әрі жалғасады. Ол тек жаңа сатыға – онлайн-режимге көшті.

2020 жылдың 8-9 қазанында Назарбаев Университетінде онлайн-форматта қазақтың ұлы ақыны және ойшылы Абай Құнанбаевтың 175 жылдығына арналған «Абай және гуманизм» халықаралық форумы өтті. Мақсаты Абайдың шығармашылық мұрасын насихаттау, өскелең ұрпақты отансүйгіштікке, Отанға деген сүйіспеншілікке, қазақ халқының салт-дәстүрлері мен әдет-ғұрыптарына құрметпен қарауға тәрбиелеу болып табылатын форум Абай шығармашылығын зерттеуге қызығушылық танытқан Қазақстан, Түркия, Нидерланды, Қырғызстан, Өзбекстан және басқа елдерден 125-тен астам қатысушыларды жинады.

НУ докторанттарымен әңгімелесудің жалғасы ретінде біз «Chitosan composite cryogel with polyelectrolytecomplexes for tissue regeneration application» тақырыбы бойынша өз диссертациясын сәтті қорғаған Инженерия және цифрлық ғылымдар мектебінің PhD түлегі Болат Сұлтанқұловпен сұхбатты ұсынамыз. Сіздің ойыңызша, НУ PhD бағдарламаларының артықшылығы неде?Айта кету керек, Назарбаев Университеті менің көз алдымда дамыды, себебі докторантураға түскенге дейін мен мұнда ғылыми қызметкер ретінде жұмыс істедім және зертханаларда ғылыми-зерттеу қызметін жүргіздім.

Уақыттың күрделі сын-қатерлеріне және қашықтықтан оқытуға көшуіне қарамастан, Назарбаев Университетінің студенттер қоғамдастығы белсенді университеттік өмірді жалғастыруда. Осының жарқын мысалы — Студенттік үкімет басшысы лауазымына үш үміткердің тәжірибелік онлайн режимінде өткізілген сайлауалды науқаны және олардың қорытындысы бойынша университеттің студенттік өзін-өзі басқару Жоғары органының табысты ұйымдастырылған жаңа басшысын сайлау.

2011 жылдан бастап Назарбаев Университеті жыл сайын жоғары білім беру саласында ынтымақтастықты дамытуды талқылау, тәжірибе алмасу және бірлескен жұмыстың одан арғы бағыттарын айқындау үшін өзінің стратегиялық әріптестерімен кездесулерін ұйымдастырады. Биылғы жылы COVID-19 пандемиясына байланысты әріптестердің кездесуі 12-13 қарашада онлайн-форматта өтті және «жоғары білімнің болашағы және Назарбаев университетімен әріптестік» тақырыбын талқылауға арналды.