Қазіргі уақытта NU студенттерге семестрді әлемнің 19 еліндегі 40 серіктес университеттерде шетелде өткізуге мүмкіндік береді. 2024 жылдың күзгі семестрінде NU-дың 14 студенті алты түрлі елде академиялық алмасу бағдарламаларына қатысты. Төменде осы бағдарламаларға қатысқан студенттердің пікірлері келтірілген.
Алмасу бойынша баратын студенттер:
Студенттердін танғажайып алмасу тәжірибесі
2024 жылғы күзгі семестр
Гонконг Университеті
КЫТАЙ
Академиялық алмасу мен үшін құнды тәжірибе болды және жеке өсуіме ықпал етті. HKU мен ғажайып Гонконгтағы семестр мені жайлылық аймағымнан шығарып, ойымның шекараларын кеңейтті де студенттер, жергілікті турғындар мен профессорлар арасында халықаралық қарым-қатынастар орнатуға көмектесті. Мен академиялық тұрғыдан көп жаңа нәрселерге үйреніп, сарапшылардан құнды құрылыс білімін алдым. Университет сонымен қатар материктік Кытайға сапарлар уйымдастырды — мен Санменься, Шэньчжэнь және Хэнан қалаларына бардым. Сонымен қатар, оқу бағдарламасының бір белігі ретінде мен Гонконг аралдарындағы топырак пен жыныстарды зерттедім. Мереке күндері сыртқы байланыстар басқармасы түрлі мәдени іс-шаралар ұйымдастырды.
NU бакалавриат студенті, 2024
Инженерия және цифрлык ғылымдар мектебi
Гонконг Университеті
КЫТАЙ
Гонконг университетіндегі алмасу бағдарламасы маған баска мадениетке енуге және өзімді жаңа ортада сезінуге мумкіндік беретін қызықты саяхат болды. Бұл тәжірибе маған жеке тұлға ретінде өсуге кемектесті және мен оган ете ризамын.
NU магистратура студенті, 2024
Инженерия және цифрлык ғылымдар мектебi
Цинхуа Университеті
КЫТАЙ
2025 жылғы қыркүйектен қаңтарға дейін Цинхуа университетінде алмасу бағдарламасына қатысуым — менің кәсіби және жеке өсуіме айтарлықтай әсер еткен құнды академиялық және мәдени тәжірибеге айналды. Бес айдың ішінде мен қарқынды оқуға, әртүрлі мәдени өзара әрекеттесуге және мемлекеттік саясат пен тұрақты дамуға деген көзқарасымды кеңейтетін серпінді оқытуға процессінің мүшесі болдым.
NU магистратура студенті, 2024
Жоғары мемлекеттік саясат мектебі
Ли Куан Ю Мемлекттік Саясат Мектебі
СИНГАПУР
Бұл мен үшін өмірді згерткен тәжірибе болды! Мен бұл мүмкіндікті пайдаланып, университетте ғана емес, сонымен бірге Сингапур елінде, оның мәдениеті мен адамдарымен оқығанымды мақтан тутамын. NU маган бейімделу мен оқуды женілдететін берік академиялык және жеке негіз берді. Алда одан да көп мүмкіндіктер, университеттер мен алмасу бағдарламалары болады деп уміттенемін. Барлығын мүмкін ететін НУ қауымына шын журектен ризамын!
NU магистратура студенті, 2024
Жоғары мемлекеттік саясат мектебі
Ли Куан Ю Мемлекттік Саясат Мектебі
СИНГАПУР
Мен Ли Куан Ю атындағы Мемлекеттік саясат мектебінде алмасу студенті болғаныма қуаныштымын. Ол жактағы профессорлардың кепшілігі сандық тәсілді қолданатын экономистер болғандықтан,б ұл семестр мен үшін ең нәтижелі болды. Мен Stata, R және Excel бағдарламаларын жоғары деңгейде меңгердім. Мен алмасу бағдарламаларын ез білімі мен қабілеттерін сезінгісі келетіндерге сынамын. Себебі алмасу бағдарламалары әртүрлі бағыттағы студенттермен қарым-қатынас жасауға және жаңа таныстар жасауға тамаша мумкіндік.
NU магистратура студенті, 2024
Жоғары мемлекеттік саясат мектебі
KDI Мемлекттік Саясат және Басқару Мектебі
Оңтүстік Корея
Менің Оңтүстік Кореядағы KDI мемлекеттік саясат және басқару мектебіндегі алмасу бағдарламасына қатысуым менің академиялық және жеке тулға ретінде өсуіме ықпал еткен керемет тәжірибе болды. Мен болашақ мансабым үшін құнды білім алып, мемлекеттік басқару саласындағы сарапшылардан көп жаңа білім алдым. Күрделі курстар сыни тұрғыдан ойлау мен қиындықтарды шешу дағдыларын дамытты. Мәдени алмасу да мен үшін ете маңызды болды — мен көкжиегімді кеңейттім, халықаралық танысуды бастадым және корей тілінің негіздерін білдім, бұл маған жергілікті ортаға жаксы енуге кемектесті. Бұл тәжірибе мен үшін шынымен де өзгеріске айналды. Берілген мүмкіндік ушін NU GSPP-ге ризамын!
NU магистратура студенті, 2024
Жоғары мемлекеттік саясат мектебі
2026 жылғы көктемгі семестр
CUHK SZ
ҚЫТАЙ
Жаңа ортада өмір сүріп, әлемге мүлде басқа қырынан қарауға мүмкіндік аласыз, халықаралық байланыстар орнатып, өзіңіз күтпеген бағыттарда дамисыз. Менің академиялық ұтқырлық бағдарламасы аясындағы тәжірибем өте керемет болды. Егер қатысу мүмкіндігін қарастырып жүрсеңіз, ойланбастан барыңыз! Бұл әлемге деген көзқарасыңызды өзгертіп, өміріңізде ұмытылмас із қалдыратын ерекше сапар.
Цинхуа университеті
ҚЫТАЙ
Цинхуа университетіндегі академиялық ұтқырлық бағдарламасына қатысу өмірімдегі ең дұрыс шешімдердің бірі болды. Оқу үдерісі қарқынды әрі талапшыл болғанына қарамастан, шетелде өмір сүріп, жаңа адамдармен танысу және ерекше тәжірибе жинақтау бұл сапарды толықтай ақтады. Университетіміздің осындай мүмкіндік ұсынғанына және Академиялық ұтқырлық командасының бағдарламаның барлық кезеңінде қолдау көрсеткеніне өте ризамын.
Гонконг университеті
ҚЫТАЙ
Гонконг университетіндегі алмасу семестрі студенттік өмірімдегі ең жарқын әрі есте қаларлық кезеңдердің бірі болды. Басқа елде өмір сүріп, білім алу маған жайлылық аймағымнан шығып, әлемге жаңа қырынан қарауға мүмкіндік берді.
Семестр барысында мен түрлі елдерден келген студенттермен танысып, өзгеше академиялық ортада білім алдым және жаңа жағдайларға бейімделуді үйрендім. Бұл тәжірибе менің өзіме деген сенімімді арттырып, дербестікті, ашық ойлауды және икемділікті дамытуға көмектесті. Сонымен қатар, саяхаттап, жаңа мәдениеттермен танысып, өмір бойы бағалайтын достық қарым-қатынастар орнатуға мүмкіндік алдым.
Артқа көз жүгіртсем, бұл бағдарлама шетелде білім алумен ғана шектелген жоқ. Ол жеке дамуға, жаңа тәжірибе жинауға және ұмытылмас естеліктер қалыптастыруға толы ерекше кезең болды. Назарбаев Университетінің әрбір студентіне академиялық ұтқырлық бағдарламасына қатысып, осы бірегей мүмкіндікті толық пайдалануға кеңес беремін.
Берлин Еркін университеті
Германия
Алмасу бағдарламасына қатысу менің академиялық жолымдағы әрдайым қол жеткізуді армандаған маңызды белестердің бірі болды. Биыл маған SSH мектебінің атынан Берлин Еркін университетінде Erasmus+ бағдарламасы бойынша білім алу мүмкіндігі берілді.
Бағдарламаның сәтті өтуі үшін қажетті барлық кезеңде қолдау көрсетіп, бағыт-бағдар берген мектебімізге және Назарбаев Университетінің Академиялық ұтқырлық командасына шынайы алғысымды білдіремін. Осындай тәжірибе студенттерге жаңа академиялық ортаға енуге, түрлі мәдениеттермен танысуға және көптеген жаңа мүмкіндіктерге жол ашуға көмектеседі. Сондықтан болашақта барлық студенттерге алмасу бағдарламаларына қатысуға өтініш беріп көруге кеңес беремін.
ADA университеті
Әзербайжан
Әзербайжан академиялық ұтқырлық бағдарламалары үшін жиі таңдалатын бағыттардың бірі емес деп айтар едім. Дегенмен, егер маған алмасу семестрін қайтадан сол жерде өткізу мүмкіндігі берілсе, еш ойланбастан тағы да таңдар едім.
ADA университетінің кампусы өте заманауи, студенттік өмірі белсенді, ал оқытушылар құрамы жоғары деңгейде. Барлық пәндер бойынша студенттермен және профессорлармен жұмыс істеу маған өте жайлы болды. Кампуста ыңғайлы кітапхана, заманауи аудиториялар және ең бастысы, Cinnabon мен Paul сияқты бірнеше кофехана бар, бұл студенттік өмірді одан әрі қызықты етеді.
Баку — бай тарихы мен ерекше сәулеті бар, қауіпсіз әрі әсем қала. Мұнда дәмді тағамдар мен қонақжай адамдарды кездестіресіз. Сондықтан бұл алмасу бағдарламасын міндетті түрде қарастыруға кеңес беремін. Сәттілік тілеймін!
ADA университеті
Әзербайжан
ADA университетіндегі алмасу семестрі мен үшін өте құнды әрі жағымды тәжірибе болды. Мұндағы адамдар өте мейірімді және қонақжай, ал қалада өзімді әрдайым қауіпсіз сезіндім. Академиялық жүйе Назарбаев Университетіне өте ұқсас, тіпті менің ойымша, оқу жүктемесі сәл жеңілірек болды. Бізге академиялық кеңесшілер мен студенттік тәлімгерлер бекітілді, олар семестр бойы әрдайым қолдау көрсетіп, көмек беруге дайын болды.
Сондай-ақ, маған Әзербайжан мен Қазақстан арасындағы мәдени ұқсастықтар ерекше ұнады. Екі елдің көптеген дәстүрлері, құндылықтары мен мәдени ерекшеліктері ортақ болғандықтан, жаңа ортаға бейімделу оңай әрі жайлы өтті.
Жалпы алғанда, болашақта академиялық ұтқырлық бағдарламасына қатысатын студенттерге ADA университетін алмасу бағдарламасы үшін тамаша таңдау ретінде ұсынар едім.
Альмерия университеті
Испания
Альмерия университетіндегі алмасу семестрі менің өмірімдегі ең есте қаларлық тәжірибелердің бірі болды. Бағдарламаның маған ең ұнаған тұсы – оның әлеуметтік жағы. Халықаралық студенттердің бір-бірімен жақынырақ танысуына және алғашқы күннен бастап өздерін жайлы сезінуіне көмектесетін көптеген іс-шаралар, ойындар, экскурсиялар мен сапарлар ұйымдастырылды.
Мен түрлі елдерден келген студенттермен танысып, олардың мәдениеті туралы көп нәрсе білдім және ұзақ жылдарға жалғасады деп үміттенетін достық қарым-қатынастар орнаттым. Сонымен қатар, семестр бойы қызықты іс-шаралар ұйымдастырып, әрдайым қолдау көрсеткен халықаралық бөлім қызметкерлерімен бірге өткізген уақыт та ерекше әсер қалдырды.
Академиялық тұрғыдан алғанда, тәжірибе мен күткеннен сәл өзгеше болды. Дегенмен, бұл маған басқа білім беру жүйесімен танысып, шетелде білім алуға жаңа көзқараспен қарауға мүмкіндік берді.
Жалпы, осындай мүмкіндікке ие болғаныма өте ризамын. Алмасу бағдарламасы менің дербестігімді, ашық ойлау қабілетімді және өзіме деген сенімімді арттырды. Сондықтан академиялық ұтқырлық бағдарламасына қатысуды жоспарлап жүрген Назарбаев Университетінің студенттеріне бұл тәжірибені міндетті түрде ұсынамын.
Алмасу бойынша келген студенттер:
2026 жылғы көктемгі семестр
PDP университеті
Өзбекстан
PDP университеті студенттерге жоғары деңгейдегі инфрақұрылым, заманауи мүмкіндіктер, тамаша кітапхана және әрдайым қолдау көрсетуге дайын халықаралық бөлім ұсынады.
Алайда бұл тәжірибені шын мәнінде ұмытылмас еткен нәрсе, оқу үдерісінен де маңыздырақ болған адамдар еді. Жергілікті және халықаралық студенттердің ашықтығы мен қонақжайлығының арқасында мен өзімді алғашқы күннен-ақ үйдегідей сезіндім. Әртүрлі ортадан келген студенттермен пікір алмасу, олардың көзқарастарымен танысу менің алмасу бағдарламасындағы ең құнды тәжірибемнің бірі болды.
Жалпы алғанда, бұл бағдарлама маған жаңа академиялық ортада білім алып қана қоймай, әлемнің түкпір-түкпірінен келген студенттермен байланыс орнатуға және мәдени көкжиегімді кеңейтуге мүмкіндік берді.
New Uzbekistan University
Өзбекстан
Назарбаев Университеті студенттік өмір туралы түсінікті түбегейлі өзгертеді. Әрдайым қолжетімді әрі қолдау көрсетуге дайын профессорлар мен әлемнің түкпір-түкпірінен келген студенттерден құралған көпмәдениетті орта бұл университетті жай ғана білім алатын орыннан әлдеқайда ерекше етеді.
Оқу барысында мен академиялық жетістік, дене белсенділігі, психологиялық әл-ауқат және қаланың көрікті жерлеріне саяхат жасау арасындағы тепе-теңдікті сақтаудың маңызын үйрендім. Назарбаев Университетінде сіз тек диплом алып қана қоймай, толыққанды өмір сүруді де үйренесіз.
Қолжетімді профессорлар, халықаралық достық байланыстар және спорт пен бос уақытты тиімді өткізуге мүмкіндік беретін кампус мәдениеті бұл университетті оқу мен жеке өмір арасындағы үйлесімділікті табуға көмектесетін тамаша орынға айналдырады.
University of Tübingen
Германия
Назарбаев Университетіндегі уақытым маған ерекше ұнады. Университетте студенттерге арналған көптеген іс-шаралар, белсенділіктер мен қызықты мүмкіндіктер бар. Сан алуан студенттік клубтардың әсерлі қойылымдарын тамашалау, спорттық жарыстарға қатысу немесе университет кинотеатрында фильм көру сияқты шаралардың жиі ұйымдастырылуы студенттік өмірді өте қызықты әрі мазмұнды етті.
Сонымен қатар, мен Назарбаев Университетіндегі адамдармен танысып, олардың мәдениетін жақынырақ білу мүмкіндігін жоғары бағалаймын. Бір-бірімізбен тәжірибе алмасып, бірге уақыт өткізу, көркем ұлттық саябақтарға саяхат жасау немесе үстел ойындары кештеріне қатысу мен үшін өте құнды әрі есте қаларлық тәжірибе болды.
Бұл кезең маған көптеген жарқын естеліктер сыйлады, және мен оны әрдайым жылы сезіммен еске аламын.
Kyrgyz-Turkish Manas University
Қырғызстан
Назарбаев Университетіндегі алмасу семестрі менің академиялық өмірімдегі ең маңызды тәжірибелердің бірі болды. Бұл кезең менің академиялық дағдыларымды жетілдіріп қана қоймай, дүниетанымыма да үлкен әсер етті. Университетте оқыған уақыт ішінде мен кеңірек, сыни тұрғыдан және жаһандық деңгейде ойлауды үйрендім. Білім беру сапасы мен университеттің зерттеу мәдениеті маған ерекше әсер қалдырды. Оқу жүктемесі айтарлықтай күрделі болды, кейде тапсырмалар мен оқуға берілген материалдардың көлемі қиындық тудырды. Дегенмен, оқытушыларымның қолдауы мен бағыт-бағдарының арқасында барлық қиындықтарды еңсере алдым.
Саясаттану және халықаралық қатынастар департаментінің профессорлары Майя Савевска мен Андрей Семеновқа ерекше алғысымды білдіргім келеді. Олардың кәсібилігі, жоғары біліктілігі және студенттердің жетістігіне деген шынайы қызығушылығы ерекше құрметке лайық. Олар мені тек академиялық тұрғыдан шабыттандырып қана қоймай, өз мүмкіндіктеріме сенуге де көмектесті. Әсіресе профессор Майя Савевска маған еңбекқорлық, табандылық және кәсібилік бұрын қол жетпестей көрінген мүмкіндіктердің есігін аша алатынын түсінуге көмектесті.
Оқудан бөлек, мен Назарбаев Университетінің кампусын ерекше жақсы көріп кеттім. Ол заманауи, әдемі және студентке қажетті барлық жағдаймен қамтамасыз етілген. Daily Cup кофеханасындағы кофені, кітапханадағы кешкі оқу сәттерін және кампустағы ерекше атмосфераны сағынып жүретінім анық. Бұл атмосфера әр күнімді ұмытылмас етті.
Алайда бұл тәжірибенің ең құнды бөлігі адамдар болды. Мен талантты, мақсатшыл және мейірімді студенттермен таныстым. Олардың көпшілігі менің жақын достарыма және болашақ әріптестеріме айналды.
Сонымен қатар, NU академиялық алмасу бағдарламалары бойынша 13 студентті қабылдады. Міне, Сингапур ұлттық университетінің Ли Куан Ю мемлекеттік саясат мектебінің алмасу студенттері Брайан мен Никитаның бір семестрді NU мемлекеттік саясат жоғары мектебінде өткізген және осы бірегей тәжірибе олардың академиялық және жеке өсуін қалай байытқанын бөліскені туралы бейне шолуы.
