2023 жылғы конференция тақырыбы: «Алтай әлемін зерттеудің жаңа көздері». Отырыс шеңберінде Халықаралық Түркі академиясы Моңғолияда 2022 жылы табылған археологиялық олжалар, көне түркі тіліндегі руникалық жазбалар, оның ішінде «түрік» атауының ең ерте пайда болуы туралы тарихшы Базылхан Н. дайындаған презентациясын ұсынды.
Тұрақты халықаралық алтайлық конференция (PIAC) 1957 жылы 4 қыркүйекте Мюнхенде өткен 24-ші халықаралық шығыстанушылар конгресінде құрылған. PIAC ірі шығыстанушылар өз тәжірибесімен, зерттеу нәтижелерімен және алтай тілдер отбасының туыстас халықтарының тарихы мен мәдениетін, тіл білімі мен этнологиясын зерттеу бойынша пікірлерімен бөлісетін дәстүрлі алаңға айналды. Осымен PIAC Қазақстанда екінші рет өтті, бірінші конференция 30 жыл бұрын Алматыда жиналған.
Назарбаев Университетінде өткен 65-ші жиын 3 күнге созылып, 9 панельдік сессиядан тұрды, онда 30-дан астам спикер – алтайлық сарапшылар, шығыстанушылар, тарихшылар сөз сөйледі. Бұл PIAC отырыстарының тарихындағы бұрын-соңды болмаған қатысушылар саны. Конференцияда Хельсинки университеті, Венгриядағы Кароли Гаспар атындағы университеті, Жоғары оқу орындарының практикалық мектебі (Париж), Ляочэн университеті, Нанкай университеті, Қытай Жэньминь университеті, Масарик университеті, Л.Н. Гумилев атындағы ЕҰУ және Жүсіп Баласағұн атындағы Қырғыз ұлттық университеті мен Васэда университеті сияқты әртүрлі ЖОО ғалымдарының 30-дан астам баяндамалары тыңдалды. Қатысушылар түрлі тақырыптарды қозғап, онда Орталық Азияның мұрағаттары мен жинақтарынан табылған, бұрын зерттелмеген жаңа дереккөздер мен құжаттарды таныстырды.
Көптеген қатысушылар конференция туралы өз пікірлерімен бөлісті. «Осы конференцияның қатысушысы ретінде мен PIAC 65-ті жергілікті және халықаралық сарапшылар алтай мен түркітану бойынша өз жұмыстарымен бөлісетін қызықты алаң деп санаймын. Мәдени турларды академиялық семинарлар мен презентациялармен үйлестіре отырып, бағдарлама өте жақсы құрастырылған. Назарбаев Университеті үшін мұндай отырысты өткізу үлкен мәртебе. Мен профессор Шамилоғлының төрағалық етуін мақтан тұтамын. Назарбаев Университеті алдағы уақытта да осындай деңгейдегі конференцияларды өткізе береді деп сенемін», — деді постдокторант Джавид Ахвар.
Сондай-ақ, PIAC мүшелері Назарбаев Университетінің кампусын аралауға шақырылды. Конференцияны еске алу мақсатында және мәдениет пен тарихты зерттеу құрметіне Масарик университетінің профессоры Михал Шварц НУ кітапханасына «Чехиядағы қолжазбалар қорындағы Моңғолияның ритуалдық мәтіндері» кітабын сыйға тартты.
