Біріккен Ұлттар Ұйымының Қазақстандағы Даму бағдарламасы Назарбаев Университетінің Жаратылыстану, әлеуметтік және гуманитарлық ғылымдар мектебімен бірлесіп 18 қарашада Қазақстан университеттерінде кемсітушілік пен қудалаудың алдын алу бойынша семинар өткізді.
Семинар аясында БҰҰДБ және БҰҰ Әйелдер ұйымының сарапшылары университеттерде қауіпсіз ортаны құрудың негізгі саясаты мен құралдары туралы айтып, НУ және AITU жастармен гендерлік стереотиптер және әйелдер мен қыздарға қатысты гендерлік теңсіздіктің және зорлық-зомбылықтың негізгі себептері ретінде әйелдер мен ерлерге қатысты теріс пікір туралы талқылады.
Назарбаев Университетінің президенті Шигео Катсу семинардың маңыздылығын және тақырыптың академиялық орта үшін ғана емес, жалпы қоғам үшін өзектілігін атап өтті. «Бұл бәріміздің басымызды біріктіріп, талқылауымыз керек нәрсе. Ең сорақысы – бұл мәселенің жоғы деп кейіп көрсету. Мәселені талқылау және түсіну, сондай-ақ жеке әйелдердің немесе, мысалы, әйелдер топтарының күресу стратегияларын әзірлеу арқылы мұны қалай шешетінін көруге тырысу маңызды. Синдромды ғана емес, себебін де қарастыру маңызды », — деп атап өтті Шигео Катсу мырза. Ол сондай-ақ бұл бастаманы қолдап, қолға алғаны үшін БҰҰДБ мен БҰҰ Әйелдер ұйымына алғысын білдірді.
БҰҰ деректері бойынша әлемде сексуалдық зорлық-зомбылықтың шамамен 1,3 миллиард құрбаны бар және әрбір үшінші әйел өз өмірінде физикалық немесе жыныстық зорлық-зомбылық көрген. Елордалық полицияның мәліметінше, биылғы жылдың 9 айында ғана 102 арнаға отбасылардағы зорлық-зомбылық фактілері бойынша 14 мыңнан астам азаматтан өтініш келіп түскен.
«Пандемия кезінде тұрмыстық қылмыстардың саны 21%-ға өсті. Семинардың күн тәртібі өте өзекті, атап айтқанда жастармен өзара әрекеттесу мәселесі. Жастар, студенттер үшін қауіпсіз орта құру олардың табысты дамуы мен әлеуетін ашудың маңызды сәттерінің бірі деп санаймыз», — деді Евгений Хон, БҰҰДБ Қазақстандағы Тұрақты Өкілінің орынбасары.
Сондай-ақ, кездесуде ЖОО студенттері Студенттік омбудсмен және ғылым және жоғары білім министрінің жастар минист жөніндегі кеңесшісі Айсұлу Ерниязоваға жүгінуге мүмкіндігі бар екендігі атап өтілді. Ол өзінің жаңа лауазымына енді ғана кірісіп, студенттердің құқықтарын қорғауға және олардың мәселелерін тыңдауға дайын екендігі атап өтілді. Оның айтуынша, олар қатысушылары маңызды мәселелерді, соның ішінде гендерлік теңдік мәселелерін көтеретін студенттердің ұлттық одағын құру үстінде.
Семинар Біріккен Ұлттар Ұйымының «Гендерлік зорлық-зомбылыққа қарсы 16 күндік белсенділік» жаһандық науқаны аясында өтті. Бұл 25 қарашада әйелдерге қатысты зорлық-зомбылықты жоюдың халықаралық күнінен басталып, 10 желтоқсан Адам құқықтары күніне дейін жалғасатын жыл сайынғы халықаралық науқан.
