Nazarbayev University (NU) 9–10 сәуірде университеттің 15 жылдығы аясында Инженерия және цифрлық ғылымдар мектебінің (SEDS) 2-ші жылдық ғылыми конференциясын өткізеді. «Орталық Азияда инженерлік және цифрлық ғылымдар саласындағы зерттеулердің болашағын өзгерту» тақырыбымен өтетін конференция жетекші зерттеушілерді, оқытушыларды және студенттерді біріктіріп, өңірдегі инновациялар мен ынтымақтастық бойынша диалогты дамытуға бағытталған. Іс-шара 12 сәуірде атап өтілетін Қазақстанның Ғылым қызметкерлері күнімен тұспа-тұс келіп, ғалымдардың ел дамуына қосқан үлесін айқындайды.
Біз SEDS профессоры Шазим Мемоннан 2-ші жылдық NU SEDS ғылыми конференциясының негізгі ерекшеліктерімен бөлісіп, оның басқа іс-шаралардан айырмашылығын түсіндіруін сұрадық.
«Бұл конференция университеттің инклюзивтілік пен студенттік көшбасшылыққа деген ұстанымын көрсетеді. Студенттердің шамамен 50%-ын әйелдер құрайды, алайда инженерия және цифрлық ғылымдар саласында олардың үлесі әлі де төмен. Осы мәселені шешу үшін шамамен 20 қатысушыдан тұратын Инженериядағы әйелдер студенттік клубы іс-шараны бірлесіп ұйымдастырып, студенттерге конференцияны қалыптастыруға белсенді қатысу мүмкіндігін береді», — деді ол.
Конференцияның тағы бір маңызды ерекшелігі – жеті минуттық ғылыми презентациялар форматы. Бұл формат Қазақстанның түкпір-түкпірінен келген бакалавриат және магистратура студенттеріне өз зерттеулерін ұсынуға мүмкіндік береді. NU әзірлеген бұл бастама елімізде алғаш рет өткізіліп отыр және жас зерттеушілерді қолдауға бағытталған. Алғашқы сессияға 10-нан астам университеттен 60 студент қатысып, қысқа әрі мазмұнды ғылыми коммуникация үшін тиімді алаң қалыптастырады. Гранд-финал екінші күні өтіп, University of Michigan және Clausthal University of Technology өкілдерін қоса алғанда, халықаралық сарапшылар финалистерді бағалайды.
Сонымен қатар конференция аясында инженерия және цифрлық ғылымдар бойынша ауқымды ғылыми постерлер көрмесі өтуде. Қазақстанның түрлі қалаларынан келген 12 университеттің қатысушылары 100-ден астам постер ұсынып, елдегі зерттеу жұмыстарының кең ауқымын көрсетеді.
Гранд-финал студенттердің үздік ғылыми жұмыстарын айқындады. Оңтүстік Қазақстан медицина академиясы Рия Бхат бірінші орынды иеленіп, «ең үздік бакалавриат зерттеушісі» марапатына ие болды. Сондай-ақ жүлделі орындарды NU SEDS студенттері иеленді: Ботагөз Ахметжанова екінші орын алды, Камилa Бисенбаева «ең үздік әлеуметтік әсер» номинациясында жеңіске жетті, ал көрермендер көзайымы сыйлығы Мұхаммад Аваис Джамалиға табысталды. Жеңімпаздардың жетістіктері жас зерттеушілердің әлеуетінің артып келе жатқанын және NU-дің жаңа буын инноваторларын қолдаудағы маңызды рөлін көрсетеді.
Нысаналы панельдік сессиялар академия мен индустрия арасындағы тығыз байланысты тағы да айқындады. Сессияларға Airbus Helicopters Kazakhstan, Alstom, Air Liquide, MCS Group, WebTech Kazakhstan, Samruk-Kazyna Ondeu LLP, ірі қытай корпорациялары, KazAeroSpace, UNDP және басқа ұйымдардың өкілдері қатысты. Бұл пікірталастар Қазақстанның негізгі технологиялық және қалалық мәселелерін шешу үшін жетекші компаниялар мен академиялық зерттеушілер арасындағы тиімді ынтымақтастықты дамытуға NU-дің ұмтылысын көрсетеді.
