Tag: NU іс-шаралары

1 мамырда Қазақстан халықтары достығы мерекесі аясында Назарбаев Университетінің қабырғасында тарихи оқиға – ITF Taekwondo бойынша алғашқы турнир өтті. Бұл турнирді тамашалау үшін Атлетикалық орталыққа 40-тан астам қатысушы мен 50 көрермен жиналды.

Назарбаев Университетінде НУ Жоғары мемлекеттік саясат мектебінің (NU GSPP), Қазақстан Республикасы Президентінің жанындағы Мемлекеттік басқару академиясының, КАЗГЮУ және «Болашақ» қауымдастығының студенттері мен түлектері арасында Policy Challenge 2022 сайысы өтті. Турнир барысында топтар Қазақстан Республикасында мемлекеттік басқаруды дамытудың 2030 жылға дейінгі тұжырымдамасын және оны жүзеге асыру жөніндегі іс-шаралар жоспарын зерделеді.

Атыраудағы химия-биология бағытындағы Назарбаев Зияткерлік мектебінің жоғары сынып оқушыларымен кездесу барысында Адесида Илесанми оқушылардың болашақ мамандықты қалай таңдау керектігі туралы сұрағына, олардың жүректерінің қалауы бойынша және қызықтыратын бағытқа назар аударуға кеңес берді. Бұл кездесу Атыраудың үш оқу орнын: химия-биология бағытындағы Назарбаев Зияткерлік мектебін, APEC PetroTechnic жоғары колледжін және Атырау облыстық «Білім-Инновация» лицей-интернатын аралау аясында өтті.

Қасым-Жомарт Тоқаевқа кампусты, ғылыми орталықтар мен зертханаларды дамыту жоспары көрсетілді. Сонымен қатар Қазақстан Президентіне ғылым, денсаулық сақтау, цифрландыру, ауыл шаруашылығы, экология және спорт салаларындағы әртүрлі білім беру жобалары мен бағдарламалары таныстырылды.

Назарбаев Университетінде тұрмыстық зорлық-зомбылықтың құрбаны болған қазақстандықтардың шынайы оқиғалары баяндалатын «Кәдімгі заттар» интерактивті көрмесі ашылды. Ашылу салтанатына БҰҰ-ның Қазақстандағы Тұрақты үйлестірушісі Микаэла Фриберг-Строй, ЮНФПА-ның Қазақстандағы атқарушы өкілі Райымбек Сисемалиев, Қазақстандағы БҰҰ Әйелдер өкілі Мария Доценко, Канаданың Қазақстандағы Елшісі Алан Хамсон және НУ-дың академиялық мәселелер жөніндегі вице-провосты Лоретта О’Доннелл қатысты.

Назарбаев Университеті(NU), Лотарингия университеті және Total Energies, Alstom, Air Liquide атты үш француз компаниялары Қазақстан мен Франция мемлекеттері басшыларының қатысуымен Парижде өткен бизнес-форум аясында 2022 жылдың 29 қарашасында ынтымақтастық туралы үшжақты Бірлескен мәлімдемеге қол қойды. Ресми қол қою рәсіміне NU президенті Шигео Катсу, Инженерия және цифрлық ғылымдар мектебінің деканы, университеттің өнеркәсіптік байланыстар жөніндегі вице-провосты Василиос Турассис және жаһандық қатынастар офисінің басшысы Әлия Каймолдинова қатысты.

JAS Social Impact-бұл Әлеуметтік даму қоры ұйымдастыратын Назарбаев Университеті қоғамдастығы арасындағы әлеуметтік жобалар мен әлеуметтік кәсіпкерлік жобаларының конкурсы. 2022 жылдың 20 қыркүйегінде Pitching кезеңі өтті, онда үміткерлер Start және Impulse гранттарын алу үшін қазылар алқасына өз жобаларын ұсынды.

БиоӨнер (БиоАрт) – бұл ғылыми және шығармашылық салалардың ерекше үйлесімін өз бойына біріктірген, енді дамып келе жатқан өнер бағыты. Атауынан байқауға болатындай, БиоӨнер биологияға ерекше назар аудара отырып, оның қарқынды дамуына және әлеуметтік дилеммалар мен дискуссиялар аясындағы оның ілгерілеу салдарына рефлексия жасауға мүмкіндік береді.

2022 жылғы 26 қазанда Назарбаев Университетінде «Орталық Азиядағы жоғары білімді цифрландырудағы кітапханалардың корпоративтік өзара әрекеттестігінің рөлі» атты дөңгелек үстел өтті. Іс-шараны ұйымдастырушылар: Қазақстан Республикасы Ғылым және жоғары білім министрлігі, ЮНЕСКО (ЮНЕСКО-ICHEI) қолдауындағы Жоғары білім берудегі халықаралық инновациялар орталығы, Қазақстан Республикасы жоғары оқу орындары кітапханаларының қауымдастығы және Назарбаев Университеті.