Қуана хабарлаймыз: жоғары оқу орындарының студенттеріне арналған Жазғы зерттеу бағдарламасы басталды!
ISSAI бағдарламасы — жасанды интеллект, машиналық оқыту, бағдарламалау және осыған байланысты салалар бойынша практикалық дағдылар мен терең білімді дамытуға бағытталған зерттеу тәжірибесі. Бағдарламаға Қазақстан мен шетелдік жоғары оқу орындарының студенттері қатысады.
2021 жылдан бастап ISSAI бұл бағдарламаны мектеп оқушылары мен университет студенттері үшін ұйымдастырып келеді. Осы уақыт ішінде түрлі қалалар мен елдерден келген қатысушылар бірлесе жұмыс істеп, білім және тәжірибе алмасты. Бағдарлама түлектері қатарында L.N. Gumilyov Eurasian National University, New Uzbekistan University, Korea Advanced Institute of Science & Technology, Yale University, Princeton University студенттері болды.
Бұл бастама студенттерге озық технологиялар саласындағы білімін тереңдетуге, ISSAI-дың тәжірибелі ғалымдары мен зерттеушілерінен құралған командамен бірлесе жұмыс істеуге бірегей мүмкіндік береді. Әрбір қатысушыға NU-дың немесе әлемнің жетекші университеттерінің түлектері арасынан тәжірибелі жетекші бекітіледі. Бұл теорияны тәжірибемен ұштастыруға, құнды тәжірибе жинауға және жасанды интеллект саласындағы көшбасшылық қабілеттерін дамытуға мүмкіндік береді.
2025 жылы бағдарлама бесінші рет өткізілуде және ол өзінің тиімділігін жыл сайын дәлелдеп келеді. Бағдарлама түлектерінің кейбірі жұмысқа шақыртулар алып, мансабын өсірсе, енді бірқатары ISSAI командасының тұрақты зерттеушілері қатарынан орын тапты.
Биыл ISSAI 270-тен астам өтінім қабылдады. Конкурстық іріктеу нәтижесінде 23 финалист таңдалды. Бұл дарынды студенттер Korea Advanced Institute of Science & Technology, Yonsei University, New York University Abu Dhabi, Mohamed bin Zayed University of Artificial Intelligence, Astana IT University және басқа да Қазақстан мен шетелдің беделді жоғары оқу орындарын таныстырады.
2025 жылғы бағдарлама 2 маусым мен 1 тамыз аралығында өтеді. Осы кезеңде қатысушылар ISSAI-дың ағымдағы жобаларымен жұмыс істеп, жасанды интеллект пен деректер ғылымы саласындағы түрлі тақырыптарды қамтитын теориялық және практикалық шеберлік сабақтарына қатысады.
Барлық қатысушыларға жаңа білімге, қызықты тапсырмаларға және кәсіби дамуға толы жемісті бағдарлама болсын деп тілейміз!
