Меморандум шеңберінде тараптар кәсіби даму және біліктілікті арттыру бағдарламалары бойынша бірлескен жобалар, конференциялар, дөңгелек үстелдер, тренингтер мен симпозиумдар ұйымдастыратын болады, онда NU және АХҚО өкілдері кәсіби пікірімен бөлісіп, жаттықтырушы ретінде әрекет ететін болады.
Сондай-ақ, тараптар бір-бірінің жобаларына сарапшы ретінде қатыса алады немесе ортақ жобаларды іске асыру мақсатында бірлескен жұмыс топтарын құра алады.
Тараптар шетелдік ғылыми-зерттеу және білім беру ұйымдарымен ынтымақтастықты орнату және оңтайландыру үшін күш біріктіруге келісті.
«Астана» халықаралық қаржы орталығы (АХҚО) — бұл қазақстандық ұйымдарға шетелдік нарықтарға қол жеткізуге мүмкіндік беретін, сондай-ақ инвестициялар ағынын тартатын және бағалы қағаздар нарығын дамытатын арнайы құқықтық режим қолданылатын бірегей алаң.
