Пікірталас ұлттық инновациялық экожүйені құрудағы университеттердің рөліне арналды. Назарбаев Университетінің профессоры Адесида Илесанми университеттерге арналған инновациялық экожүйе туралы баяндама жасап, НУ тәжірибесімен және әлемдік тәжірибемен бөлісті.
Назарбаев Университетінде 81 академиялық бағдарлама бойынша 7 мыңға жуық студент білім алуда. 2018 жылдан бастап постдокторлық бағдарлама жұмыс істейді, оның аясында 52 постдок ғылыми зерттеулермен айналысады. Биылғы жылы 10 қазақстандық постдоктор ассистентпрофессор атанды.
Білім беруді ғылыми-зерттеу жұмыстарымен бірге дамыту еліміздің экономикалық жаңаруына үлкен үлес қосуда. NU Provost пікірінше, инновациялық жүйені құру үшін студенттерде жобалық ойлау және кәсіпкерлік ойлау, проблеманы шешу және шешім қабылдау дағдылары, қиял сияқты дағдыларды дамыту қажет.
Университет студенттері міндетті пәндер ретінде академиялық және ғылыми адалдықты толық түсіну үшін бизнес негіздерін, бизнесті жүргізудің құқықтық негіздерін және этиканы оқиды. Университетте технопарк, коммерцияландыру кеңсесі, бизнес-инкубация және акселерация бағдарламалары, НУ кәсіпкерлікті зерттеу орталығын қоса алғанда, тұтас инновациялық инфрақұрылым құрылған.
Панельдік сессия барысында NURIS бас директоры Айдар Жакупов НУ инновациялық кластері туралы толығырақ айтып берді. Кластер міндеттерінің ішінде инновациялық жобаларға ғалымдарды көбірек тартуды, инновациялық компанияларды тарту орталығы ретінде Технопарктің инфрақұрылымы мен брендін дамытуды атады.
Форумның басқа панельдік сессиялары инновацияларға, осы саладағы менеджмент мәселелері, инновациялардың қоғамның әлеуметтік дамуына әсері және басқа да тақырыптарға арналды.
