Жыл сайын өтіп отыратын жиын – университет пен оның түлектері арасындағы байланыстың нығайып жатқанының дәлелі, биыл ол өте қызықты форматта әрі мазмұнды өтті.
Жиынның ең маңызды сәті NU президенті профессор Вакар Ахмадпен Town Hall форматындағы кездесу болды, айта кету керек, кездесуге келе алмаған адамдар үшін тікелей эфир ұйымдастырылды. Сондай-ақ түлектер NU провосты Адесида Илесанмиге алғыс айтып, естелікке сыйлық тарту етті.
Кездесу бағдарламасы аясында үш панельдік сессия өтті, оны Магистратура бағдарламалары түлектерінің қауымдастықтары ұйымдастырған. Ақпараттық технологиялар саласындағы кәсіпкерлік, жастар арасындағы көшбасшылық және тұрақты дамудағы өзгеріс енгізушілердің рөлі сияқты тақырыптарға арналған талқылаулар кезінде табысты түлектер сөз сөйлеп, өздерінің білімі және тәжірибесімен бөлісті.
Сонымен қатар үздік түлектер түрлі номинациялар бойынша марапатталды. Атап айтқанда, Айдана Тілеукен «Жыл зерттеушісі», Назгүл Байтемірова «Жылдың біртуар әйелі», Амна Риаз Хаваджа «Жылдың шетелдік түлегі», Сәуле Қасымова «Жылдың әлеуметтік әсері», Алтынгүл Тайбасарова «Жыл педагогы», Нұрасыл Жарбасов «Жыл филантропы» атанды. Оған қоса 24 түлек тәлімгерлік пен волонтерлік қызметі үшін марапатталды.
Шара аясында ұйымдастырылған қайырымдылық лотереясы Түлектер стипендияларының қоры үшін қаражат жинады. Кездесу соңында барлығы бірге суретке түсіп, уақыт капсуласын әзірледі. Ол 2030 жылы қайта ашылмақ.
