Жәрдемақылар, салық шегерімдері: қазақ ғалымдарына не керек?

Көпшілік жас ғалымның мәртебесін заңнамалық тұрғыдан бекітіп, ғылым саласын мемлекеттік сатып алу тәртібін түбегейлі өзгертіп, оны икемді ету қажет деген пікірге келді. NU National Laboratory Astana зертханасының жетекші ғылыми қызметкері Самат Қожахметовтың айтуынша, ғылыми жобаларды жүзеге асыру кезінде мемлекеттік және жекеменшік қолдаудың маңызы зор. Бірнеше жыл бұрын ол әріптестерімен бірге NU-да әзірленген құрғақ бие сүті негізіндегі тағамдық қоспалар өнімін коммерцияландыруға қол жеткізді, деп жазады Inbusiness.kz.