NU сарапшылары III Институционалдық зерттеулер форумына қатысты.
Назарбаев Университетінің (NU) сарапшылары Қазақ ұлттық қыздар педагогикалық университетімен (QyzPU) бірлесіп ұйымдастырылған III Институционалдық зерттеулер форумына қатысып, жоғары білім саласындағы деректерге негізделген шешім қабылдау мәселелерін және институционалдық зерттеулердің дамуын форум қатысушыларымен бірге талқылады.
NU Институционалдық зерттеулер және аналитика бөлімінің басшысы Мэттью Кортни форумның алғашқы пленарлық сессиясының модераторы болып, цифрлық трансформация жағдайында білім беру сапасы мәселелерін талқылауға жетекшілік етті. NU Стратегия және жүзеге асыру жөніндегі атқарушы директоры Дункан Присли «Деректерге негізделген шешімдер арқылы оқу бағдарламаларын жетілдіру» тақырыбында баяндама жасап, аналитикалық тәсілдердің академиялық контентті дамытуға қалай ықпал ететінін көрсетті.
NU-дің институционалдық зерттеулер жөніндегі аналитигі Әсел Жақыбаева «Сауалнама нәтижелері арқылы мүдделі тараптарды тарту» атты воркшоп барысында деректерді көрнекі түрде ұсынудың тиімді жолдарын көрсетті. Ал Диана Калеменева, NU сауалнама үйлестірушісі, Qualtrics платформасын қолдану тәжірибесімен бөлісіп, оны институционалдық зерттеулердегі маңыздылығы жайлы баяндады.
NU-дың форумға қатысуы оның жоғары білім берудегі аналитикалық тәжірибелер мен цифрлық трансформацияны ілгерілетудегі көшбасшылығын көрсетеді. Олардың үлестері динамикалық пікірталас тудырды және барлық сектордағы кәсіпқойлар үшін практикалық ұсыныстар берді.
