Бұл арнайы іс-шара толықтай қазақстандық мамандар әзірлеген озық жасанды интеллект өнімдерінің желісін таныстырады — бұл Қазақстанның технологиялық тәуелсіздікке, тілдік инклюзивтілікке және мәдени үйлесімділікке деген берік ұстанымын көрсетеді. Іс-шараға бұқаралық ақпарат құралдарының өкілдері, мемлекеттік органдар, салалық сарапшылар, студенттер және университет қызметкерлері шақырылады.
KazLLM таныстырылымынан (2024 ж. желтоқсан) және ISSAI Update баспасөз брифингінен (2025 ж. 17 шілде) кейін ISSAI командасы бірнеше жаңа технологияларды қуана ұсынады:
- Oylan 3 — мәтін, сөйлеу және суреттермен жұмыс істейтін мультимодальды модель. Қазақ тілін (латын және кирилл әліпбиі) толық қолдайды, кеңейтілген reasoning мүмкіндіктеріне ие және дәл, контекстке сай жауаптар беру үшін RAG технологиясымен толықтырылған.
- MangiSoz 2.5 — сөйлеуді тану, дауыс синтезі, оптикалық таңбаларды тану және қазақ тілі, басқа түркі тілдері мен БҰҰ ресми тілдерін қоса алғанда, 11 тілге үздіксіз аударуды біріктіретін көпфункционалды қолданба. Қолданба Windows және macOS жүйелерін қолдайды және эмоция мен вербалды емес интонацияларды жеткізетін көркем дауыс синтезін ұсынады.
- TilSync 2 — іс-шаралар мен трансляциялар үшін синхронды аударма құралы. QR-код арқылы қолжетімді, аударма тарихын, көптілді аудиторияға арналған екі жол субтитрді және macOS қолдауын қамтамасыз етеді.
- Beynele 2 — кең көлемді қазақстандық визуалдық деректер негізінде дайындалған мультитілдік сурет генерациялау жүйесі. Текст және сурет форматындағы сұрауларды қабылдайды және фотореалистік композициялар жасайды.
- Mangitas 03 — корпоративтік жабық желі ішінде барлық ISSAI моделдерін толықтай жергілікті түрде іске қосуға мүмкіндік беретін ықшам, қауіпсіз сервер.
Бағдарламада: өнімдердің таныстырылымы мен тікелей демонстрациялары, әзірлеушілермен сұрақ-жауап сессиясы, технологиялардың нақты қолданылу мысалдары, медиа-материалдар және нетворкинг. ISSAI Қазақстанның жасанды интеллект экожүйесін қалай дамытып жатқанын — жергілікті мамандар әзірлеген, жергілікті тілдерде жұмыс істейтін және жергілікті қажеттіліктерге арналған технологияларды — өз көзіңізбен көру үшін бізге қосылыңыз.
Байланыс ақпараты: a.tussupova@nu.edu.kz
