Жаһандық академиялық ынтымақтастықты кеңейту – жаңа халықаралық серіктестіктер
Nazarbayev Universit (NU) Азия, Солтүстік Америка және басқа да өңірлердегі жетекші жоғары оқу орындарымен жаңа университетаралық келісімдер жасасу арқылы жаһандық академиялық серіктестер желісін кеңейтуді жалғастыруда. Бұл NU-дың негізгі өңірлердегі қатысуын күшейтіп, ресурстарды, сараптаманы және озық тәжірибені бірлесіп пайдалану арқылы академиялық және мәдени алмасуға ықпал етеді.
Жуырда NU үш елдің төрт жетекші университетімен жаңа академиялық серіктестік орнатты: Америка Құрама Штаттарындағы University of Georgia (UGA), Оңтүстік Кореядағы Daegu Gyeongbuk Institute of Science and Technology (DGIST) және Sungkyunkwan University (SKKU), сондай-ақ Қытайдағы Chinese University of Hong Kong – Shenzhen. Аталған университеттер Times Higher Education және Shanghai ARWU рейтингтерінде үздік 500 қатарына енген, бұл олардың академиялық үздік екенін және жаһандық деңгейде мойындалғанын көрсетеді.
Келісімдер студенттер мен оқытушылар алмасу, бірлескен зерттеулер, жарияланымдар мен семинарлар, шеберлік сабақтары және басқа да академиялық бастамалар сияқты бағыттарда серіктестікті дамытуға мықты негіз қалайды. Ынтымақтастық технология, компьютерлік ғылымдар, жасанды интеллект, әлеуметтік ғылымдар, экономика, инженерия және басқа да салаларды қамтитын болады.
Бұл бастамалар NU мен серіктес университеттердің академиялық және мәдени тәжірибесін байытуға, сондай-ақ ұзақ мерзімді ынтымақтастықтың тұрақты негізін құруға бағытталған. Әсіресе, академиялық ұтқырлыққа ерекше көңіл бөлінеді – бұл NU студенттеріне шетелде бір семестр бойы оқуға, академиялық кредиттерді есепке ала отырып, жаңа білім алуға және мәдениетаралық құзыреттерін дамытуға мүмкіндік береді.
Сонымен қатар, NU студенттері серіктес университеттердің жетекші ғылыми-зерттеу зертханаларына, белсенді академиялық өміріне, мәдениетаралық қарым-қатынасына және заманауи ресурстарына қол жеткізе алады. NU-дың халықаралық серіктестіктерінің үнемі артуы университеттің жоғары деңгейде халықаралық интеграцияланған академиялық орта қалыптастыруға деген ұмтылысын көрсетеді.
