ҚР ғылым және жоғары білім министрінің 2024 жылғы 23 қыркүйектегі №457 бұйрығымен бекітілген сайлау ережелеріне сай Академиктердің жалпы жиналысының шешімі бойынша сегіз ғалымға академик мәртебесі берілді. Олардың ішінде NU жанындағы «University Medical Center» корпоративтік қорының басқарма төрағасы, медицина ғылымдарының докторы Юрий Владимирович Пя және NU-дың Инженерия және цифрлық ғылымдар мектебінің профессоры, техникалық ғылымдар докторы Жұмабай Бекболатұлы Бәкенов бар.
Юрий Пя «Медицина және денсаулық сақтау» саласында, ал Жұмабай Бәкенов «Жаратылыстану ғылымдары», «Инжиниринг және технологиялар» саласында академик болып сайланды.
Қазіргі уақытта ҚР Ұлттық ғылым академиясы мүшелерінің тізімінде біздің университеттің бес ғалымы бар, атап айтқанда, тізімге Жаратылыстану, әлеуметтік және гуманитарлық ғылымдар мектебінің (SSH) профессоры, биохимия және молекулалық биология докторы Дос Сарбасов, NU вице-президенті, жоғары білім саласындағы PhD-доктор Дархан Біләлов және SSH профессоры, математика ғылымдарының докторы Сұраған Дөрбетхан кіреді.
Жаңа академиктерді осындай тамаша жетістіктерімен құттықтап, оларға ғылыми қызметте одан әрі табысқа жете беруін тілейміз!
