Электротехника және электроника инженерлері институты (IEEE) — технологияны дамыту бойынша әлемдегі ең ірі кәсіби ұйым. IEEE және оның мүшелері үнемі жоғары сілтемелі мақалаларды жариялайды, конференциялар, ғылым мен технология әлемін ілгері жылжытатын кәсіби және білім беру іс-шараларын өткізеді. IEEE электронды құрылғылар қоғамының (EDS) мүдделерімен байланысты салаларда академиктердің білімге қосқан көрнекті үлесін бағалау үшін 2005 жылы Білім беру сыйлығын тағайындады. Марапаттың иегері атану үшін академиялық, өндірістік немесе мемлекеттік ұйыммен байланысты көрнекті білім қайраткері болу керек.
Профессор Илесанми Адесида – еңбегі сіңген ғалым және ғылым мен білім беру салаларында басшылық лауазымын атқарып келеді. Ол 350-ден астам рецензияланған мақалалар жариялады және халықаралық конференцияларда 250-ден астам баяндаманы жарыққа шығарды. Профессор Адесиданы құттықтаймыз! Біз Провостымызды жетістіктері мен Назарбаев Университетінің дамуына қосқан баға жетпес үлесі үшін мақтан тұтамыз!
