Назарбаев Университетінің Халықаралық студенттер қауымдастығы (NUAIS) NU Түлектері қауымдастығымен бірлесе отырып, Астананың Сарыарқа ауданы мен Қызыл Жарты Айдың қолдауымен үш аптаның ішінде 1,7 миллион теңге қайырымдылық қаражат жинай алды, бұл университет тарихындағы қайырымдылыққа жиналған ең үлкен сома. Барлығы 83 отбасы мен 26 жетім балаға азық-түлік, күнделікті тұрмысқа қажетті заттар, жылы киімдер, аяқ киімдер, ойыншықтар және кітаптар сияқты көмек көрсетілді.
NU Халықаралық студенттері өздерінің қайырымдылық бастамаларын бір реттік шара емес, Қазақстандағы мұқтаж отбасылар мен балаларға қолдау көрсетуге бағытталған тұрақты жобаға айналдыруды көздеп отыр. Сонымен қатар, бұл жоба Назарбаев Университетінің халықаралық қауымдастығына, әсіресе шетелдік студенттерге жергілікті қоғамдастықпен жақынырақ танысып, кампустан тыс қоршаған ортаны жақсырақ түсінуге мүмкіндік береді.
«Бұл біржақты қайырымдылық емес: біз мұқтаж отбасылар мен балаларға қажетті заттарды берсек, олар бізге мейірімділік пен сүйіспеншілік сыйлады. Сонымен қатар, бұл қайырымдылық жоба бізге, шетелдік студенттерге жергілікті халықпен қарым-қатынас орнатудың бірегей мүмкіндігі болды, бұл бізге Қазақстан және оның тамаша адамдары туралы көбірек білуге көмектесті», — деді Назарбаев Университетінің шетелдік студенттер қауымдастығының (NUAIS) президенті Мохаммад Хабиб Абдулла.
Белсенділер жобаның басталуы олар күткеннен де сәтті болғанын, сондықтан NU халықаралық студенттері «Give Back To Kazakhstan» жобасын 2023 жылы жалғастырмақ ниетте екенін атап өтті.
Назарбаев Университетінде 200-ге жуық шетел студенттері білім алуда, олар профессорлық-оқытушылық құраммен бірге идеялардың алуан түрлілігі мен мәдениеттердің байлығына негізделген халықаралық университет қауымдастығын құрайды.
