30 қазанда елордада Astana ESG Forum 2025 өтті — бұл Қазақстандағы ұлттық ESG-экожүйесін дамытуға және тұрақты даму қағидаттарын ілгерілетуге бағытталған маңызды көпсалалы диалог алаңы.
Форум мемлекеттік органдардың, бизнес өкілдерінің, халықаралық ұйымдар мен сарапшылар қауымдастығының өкілдерін біріктіріп, үздік тәжірибелермен алмасуға және ESG қағидаттарын ел экономикасына тиімді енгізу жолдарын талқылауға мүмкіндік берді.
Nazarbayev University «Әлеуметтік әсер және адами капиталды дамыту» сессиясына қатысты. Университет атынан тұрақты даму жөніндегі бас директор Қанат Байғарин сөз сөйледі.
Талқылау барысында қатысушылар бизнес, академиялық сектор және азаматтық қоғам институттарының әлеуметтік жауапкершілікті нығайтудағы, өмір сапасын арттырудағы және адами капиталды дамыту бойынша инклюзивті мүмкіндіктерді қалыптастырудағы рөлін қарастырды.
Осындай іс-шараларға NU-дың қатысуы университеттің ұлттық және жаһандық тұрақты даму мақсаттарын қолдайтын жетекші білім және зерттеу орталығы ретіндегі беделін одан әрі нығайтады.
