“Білім беру зерттеулеріне кіріспе: теория, әдістеме және тәжірибе” монографиясы қазақ және орыс тілдерінде жарық көрді.
Бұл тек магистранттар мен докторанттарға ғана емес, сонымен қатар ғылыми-зерттеу жұмыстарын жүргізуге мүдделі мектеп және колледж оқытушыларына да пайдалы болады. Білім беруді зерттеу әдістемесі бойынша кітаптар негізінен батыс ғалымдары жазған. Сондықтан ағылшын тілін білмейтіндер үшін бұл басылым материалды оқуға жақсы көмекші болады.
Монографияның тағы бір ерекшелігі – авторлар теория мен тәжірибе арасындағы тепе-теңдікті сақтаған. Кітапта қазақстандық және шетелдік ғалымдар жүргізген және жариялаған зерттеулердің мысалдары келтірілген.
Бұған дейін Назарбаев Университетінің Жоғары білім беру мектебі білім саласына арналған басқа да елеулі еңбектерді жариялаған болатын. Олардың ішінде: “Білім беру бағдарламаларын әзірлеу: жоғары білім берудің жаһандық мәселелеріне жауаптар” монографиясы, “Силлабусты әзірлеу: силлабус сапасынан білім сапасына дейін”, “Қазақстандағы білім беру зерттеушілерінің әдеп кодексі.” Әдеп кодексі KERA – Білім беру саласындағы зерттеушілердің қазақстандық қоғамымен бірлесіп әзірленді.
“Білім беру зерттеулеріне кіріспе: теория, әдістеме және тәжірибе” монографиясын және алдыңғы жазбаларды NU GSE веб-сайтынан табуға болады.
