Іс-шараға биомедицина, инженерия және биология саласындағы студенттер, зерттеушілер мен оқытушылар жиналды.
Кітапта сезімтал құрылғылар мен оптикалық жабдықтарды жасауды, селективті биопсиялауды орындау үшін функционализацияны және қазіргі және болашақтағы перспективаларды ескере отырып, биосенсорларды қолданудың негізгі салаларын қамтитын пәнаралық тәсілді пайдалана отырып, талшықты-оптикалық бергіштер саласына жан-жақты шолу ұсынылған.
Кітапты белгілі академиялық баспа – Academic Press / Elsevier шығарды. Ол НУ кітапханасының сайтында қол жетімді.
Кітаптың авторлары – НУ-дің Ассоциативтік профессоры, Астана ұлттық зертханасының биосенсорлар және биоқұралдар зертханасының меңгерушісі Даниэле Тоси; Бэйлор университетінің постдокторлық ғылыми қызметкері Маржан Сыпабекова; Астана ұлттық зертханасының ғылыми қызметкері Әлия Бекмурзаева, НУ инженерлік және цифрлық ғылымдар мектебінің ассоциативтік профессорі Карло Моларди; Инженерлік және цифрлық ғылымдар мектебінің постдокторанты Қанат Дүкенбаев.
НУ провосты Илесанми Адесида және академиялық мәселелер жөніндегі вице-провосты Лоретта О’Доннел кіріспе сөз сөйлеп, осындай кітапты жазу кезінде көп салалы авторлар тобының болуының маңыздылығын атап өтті. Баяндамашылар жұмыс технологиялары мен қағидаттарын, сондай-ақ талшықты-оптикалық биосенсорларды қолданудың негізгі салаларын қамтитын биосенсорлар туралы презентация ұсынды. Презентация сұрақтар мен жауаптар сессиясымен жалғасып, одан кейін НУ-да зертханалық жағдайда биосенсорларды өндіруге арналған талшықты-оптикалық сенсорларды жасау және зерттеу үшін қолданылатын жабдықтарды көрсету үшін зертхана бойынша экскурсия жүргізілді.
