Мен Камила Рузиева, Назарбаев Университеті Медицина мектебінің биомедициналық ғылымдар бойынша PhD докторы бағдарламасын жақында бітірдім. Бағдарлама менің мансабымды едәуір жақсартты, бұл маған керемет тәлімгерлердің жетекшілігімен алдыңғы қатарлы зертханаларда жұмыс істеуге мүмкіндік берді. Осы тәжірибе арқылы мен өз зерттеулерімді беделді журналдарда жариялауға және осы саладағы жетекші сарапшылармен бірге интеллектуалды ынталандырушы ортада ынтымақтасуға мүмкіндік алдым.
Академиялық бағдарлама жақсы жоспарланған, зерттеуге жеткілікті уақыт береді және алғашқы екі жылдағы курстық жұмыстың арқасында берік іргелі білім алуға мүмкіндік береді. Кіріспе курстар, соның ішінде оқытушылармен бірге диссертациялар мен гранттар жазуға арналған курстар мені зерттеу мақсаттарыма дайындалуда маңызды рөл атқарды. Мектептің қолдауы өте маңызды болды, өйткені қажет болған жағдайда жабдықтармен және реактивтермен қамтамасыз етті, бұл менің докторлық диссертациямдағы жұмысымды айтарлықтай жеңілдетті.
Назарбаев Университеті (NU) мен үшін Қазақстандағы ең үздік университет болып саналған еді, бірақ мектеп оқушысы ретінде кампусты аралаған кезде ғана нағыз атмосфераны сезініп, осы жерге түскім келетініне сенімді болдым. Университеттегі қауымдастық пен керемет рух мені бірден өзіне баурап алды.
NU-де Мұнай инженериясы бойынша бакалавр дəрежесінде оқу қиын болғанымен, ұмытылмас сапар болды. Тау-кен жəне Жер туралы ғылымдар мектебіндегі (SMG) профессорлардың, қызметкерлер мен студенттердің қолдауы ең қиын сәттерді де қызықты әрі пайдалы етті. Мен мұнай өндіру тиімділігін арттыру жобасында, КазМунайГазбен бірлесіп жүргізілген зерттеулерге қатысу мүмкіндігіне ие болдым. Бұл нағыз қазақстандық кен орнында жұмыс істеген өте құнды тəжірибе болды. Біздің зерттеу тобымыз, профессор Пейман Пурафшари басшылығымен, ғылыми журналдарда мақалалар жариялап, халықаралық конференцияларда баяндама жасады – бұл мен үшін ұмытылмас тәжірибе.
Оқу барысынан тыс, НУ маған өз қызығушылықтарымды зерттеуге жəне өмірлік достар табуға жол ашты. Мен NU түлегі болғаныма мақтанамын, бірақ SMG отбасының бір бөлігі болғанымды одан бетер мақтан тұтамын. Өткенге көз жүгіртсем, NU менің болашағыма бағыт беріп, Ұлыбританияда оқуымды жалғастыруға ұмтылдырды.
Болашақ студенттерге кеңесім: NU ұсынатын барлық мүмкіндіктерді пайдаланыңыз. Өз жайлылық аймағыңыздан шығудан қорықпаңыз, қателіктерден сабақ алыңыз және мақсаттарыңызға шектеу қоймаңыз. Мүмкіндіктер шексіз, ал сіздің жалғыз бәсекелесіңіз – өзіңіз.
«Орта Азияның тарихын сол өңірде, тіпті ағылшын тілінде зерделеу – бұл бірегей мүмкіндік»
Мен халықаралық қатынастарды бакалавриатта АҚШ-та оқыдым, бірақ кейін мен жүрегімнің қалауымен, оқуымның соңғы жылында тарихқа бет бұруды жөн көрдім. Мен Назарбаев Университеті туралы Орталық Азияға бағытталған тарих мамандығы бойынша магистратураны іздеп жүрген сәтте білдім. Орта Азияның тарихын сол өңірде, тіпті ағылшын тілінде зерделеу – бұл бірегей мүмкіндік! Сонымен қатар, Қазақстанға сапармен баруды үнемі армандайтынмын. Университеттің сайтында мен оқытушылардың ғылыми қызығушылығы мен Еуразиялық зерттеулер бағдарламасы студенттерінің жобаларын зерделедім. Мұның бәрі мені өте қызықтырды.
Назарбаев Университетіндегі алғашқы жылым өте қарқынды болды, алайда менің оқуға салған бар күш-жігерім сонымен ақталды деген ойдамын. Мен бірінші семестрде зерттеудің жақсы негізін, екінші семестрден бастап түрлі салалардағы курстарды, сондай-ақ диссертацияны дайындауға ұзақ уақытты қамтитын оқу жоспарын өте ұнаттым.
Оқытушылар өте білімді және студенттерге көмектесуге әрдайым дайын болды. Өзімнің жетекшілерім маған диссертацияны зерттеуге және дайындауға көп көмек көрсетті.
Назарбаев Университеті өркендеп келе жатқан дербес жоғары оқу орны болып табылады. Мұнда оқитын студенттер өте ақылды, еңбекқор, жылы шырайлы және белсенді. Мен өзім оқып жатқан бағдарламадағы ғана емес, сондай-ақ басқа да мамандықтар бойынша білім алып жатқан құрдастарыммен де достастым. Бастапқыда магистранттар Университеттің студенттік өміріне белсенді араласпайтын шығар деген ойда болдым, бірақ соңында мен студенттер қауымдастықтарына қосылдым да, бакалавриаттан көптеген достарымды таптым.
«Назарбаев Университетінде мені ең қызықтырғаны – Назарбаев Университетінің жоғары дәрежедегі шетелдік университеттермен әріптестігі болды. Менің жағдайымда бұл Кембридж және Пенсильвания университеттері»
Мен Назарбаев Университеті жайында оның ашылғанына дейін естіген едім. Мен Қазақстанға келгенімде, адамдардың білім берудегі ірі жоба туралы айтып жатқанын естіп жүрдім, сол айтып жүрген жоба НУ еді.
Университет мені жоғары дәрежедегі шетелдік университеттермен әріптестігімен қызықтырды. Бұл әірптестік НУ-ға академиялық бағдарламаларды тиімді іске асыруға және бірлескен қызықты зерттеу жобаларына қатысуға көмектеседі деп ойладым.
Оқуымның барысында мен әртүрлі елдерден келген оқытушылармен таныстым. Олардың әрқайсысының қаралатын мәселеге байланысты өз ойлары мен көзқарастары бар. Мен кітапханада уақыт өткізгенді өте жақсы көремін, өйткені онда тек өзіңнің салаңдағы тақырыптар бойынша кітаптарды ғана емес, сонымен қатар CD дисктерді, журналдарды және газеттерді табуға болады.
Білім берудегі PhD бағдарламасын таңдауымның негізгі себебі – Назарбаев Университетінің Кембридж университеті мен Пенсильвания университеттері сияқты жоғары оқу орындарымен әріптестігі болды. Мен идеялармен алмасу және бірлескен жобаларға қатысу мүмкіндіктері мықты зерттеу жобасын әзірлеу үшін өте маңызды болып табылады деп ойлаймын.
Назарбаев Университетінде білім алудың негізгі артықшылықтарының бірі ретінде мен мыналарды белгілер едім: біріншіден, жоғары деңгейдегі университеттермен әріптестік және үздік оқытушылар; екіншіден, зерттеуге үлкен көңіл бөлу; және үшіншіден, студенттердің кітапханаға, жатақханаларға, асханаларға, спорт орталықтарына және басқа да ресурстарға қолжетімділігі.
«Мен мемлекеттік саясат саласындағы магистратура бағдарламасын таңдадым, себебі оның Орталық Азия елдерінің тәжірибесіндегі жоғары сапалы білім мен сараптаудағы беделі зор және білім алуға стипендияларды ұсынады»
Бұрын мен экономикаға аса қызығушылық танытқан болатынмын, себебі бірнеше жылдар бойы өз елімде үкіметтік емес ұйымда жұмыс істедім. Алайда, уақыт өте келе, бүкіл өңірдің дамуына үлес қосатын, оң өзгерістер жасайтын мемлекеттік қызметкер болуға деген құштарлығым бәрінен жеңіп, білімімді осы салада жалғастыруға бел будым.
Жақын арада көрші елде жоғары білім беру стандарттары мен керемет инфрақұрылымы бар жаңа университет – Назарбаев Университетінің ашылғанын білдім. Мен өзіме лайықты бағдарламаны іздей бастадым. Оқу жоспары мен талаптарын сыни түрде талдай отырып, мен мемлекеттік саясат саласындағы магистратура бағдарламасын таңдадым, себебі оның Орталық Азия елдерінің тәжірибесіндегі жоғары сапалы білім мен сараптаудағы беделі зор және білім алуға стипендияларды ұсынады. Мен бағдарламаны өзім таңдаған бейін мен ғылыми қызығушылығыма дәл сәйкес келеді деп ойладым. Конкурстың өте үлкен екенін және көптеген студенттер осы бағдарламаға қатысқалы жатқанын мен білдім. Бақытыма орай, менің халықаралық жоғары оқу орнынан алған экономика бойынша дәрежем, әлеуметтік белсенділігім мен жұмыс тәжірибем маған өзіме сеніп, құжаттарымды Назарбаев Университетіне тапсыруға көмектесті. Енді, осы Университеттің студенті ретінде, мұндағы оқу мен орналасу жағдайлары өте тамаша, сондай-ақ әрдайым көмек көрсетуге дайын, білікті оқытушы-профессорлар құрамы бар екенін айтқым келеді.
Мен сондай-ақ, мемлекеттік саясат саласындағы магистратура бағдарламасының Сингапурлық компонентін атап өткім келеді. Бұл маған мемлекетті басқарудың ең тиімді жүйелерінің бірімен танысуға мүмкіндік берді. Менің оқуым тек білім беру мақсаттарыма жету үшін ғана емес, сонымен қатар менің болашақ мансабым үшін де маңызды болатын көшбасшылық дағдыларымды толықтырады деген ойдамын. Назарбаев Университеті, менің екінші үйім болғаның үшін рахмет!
Мен бізде, Қазақстанда, түлектері Қазақстан экономикасының дамуы мен өркендеуіне өз үлесін қосу үшін қажетті білім мен дағдыларға ие болатын халықаралық академиялық стандарттары бар осындай жоғары деңгейлі оқу орнының бар екеніне өте қуаныштымын. Сондықтан, жұмыс беруші ретінде, мен НУ ЖБМ дипломдық және дипломдық емес бағдарламаларына қатыса отырып, біздің топ-менеджерлерімізді оқыту ұсынысын қолдаймын.
НУ ЖБМ басшыларына арналған MBA бағдарламасы маған Қазақстанда отырып, әлемнің түкпір түкпірінен қатысатын үздік қызметкерлерден әлемдік деңгейдегі білім алуға мүмкіндік береді, ол маған толық жұмыс күнін атқаруға мүмкіндік берді.
НУ ЖБМ әлемдегі жетекші бизнес мектептерінің бірі Дьюк Университетінің жанындағы Фукуа бизнес мектебімен стратегиялық серіктестігі оқытудың бірегей әдістері мен тәсілдерін ұсынады. Үздік профессорлық-оқытушылық құраммен және озық ғылыми-зерттеу базасымен қатар, бұл Қазақстанның ерекшелігін ескере отырып, жаһандану мен интеграцияның бүгінгі мәселелерін шешу үшін қажетті халықаралық білім мен тәжірибе алу үшін НУ ЖБМ білім алуға құштар ететін орынға айналдырды. Бұл менің білім алу мақсаттарыма жету үшін, сондай-ақ компанияларды басқаруда жаңа идеялар мен стратегияларды қабылдау және жүзеге асыру дағдыларын игеру үшін тамаша мүмкіндік.
Назарбаев Университет бүгінгі таңда өңірдегі ең сәтті білім беру және ғылыми жобалардың бірі болып табылады.
Бүгінгі таңда, жаһандану дәуірінде, компанияның бәсекелестік артықшылығының маңызды көзі – оның ішкі мүмкіндіктері. Сондықтан ұйымды сәтті басқару ішкі тиімділікті барынша арттыру және сыртқы сын-тегеуріндерге жауап беру үшін, топ-менеджерден компанияның ресурстарын тиімді жұмылдыруды талап етеді.
«Самұрық-Энерго» АҚ энергетика секторында мемлекеттік саясатты іске асыруға мандаты бар холдингтік компания болып табылады. Компанияның негізгі қызмет салалары – электр энергиясын өндіру, беру және тарату, сондай-ақ көмір өндіру. «Самұрық-Энерго» еліміздің әр өңірінде бар, онда 24 мыңға жуық адам жұмыс істейді. Компанияның үлесіне Қазақстанның жалпы электр қуатының шамамен 47%, елімізде электр энергиясын өндіру мен көмір өндірудің шамамен 40% тиесілі.
Назарбаев Университетінің отбасының бір бөлігі бола отырып, мен тек инженер ретінде ғана емес, тұлға ретінде де өсу мүмкіндігіне ие болдым. Оқытушыларға, жабдықтарға және ресурстарға қол жеткізу шетелдегі тәжірибемді байытқан керемет мүмкіндік болды. Оқу бағдарламасы қатаң, ал оқытушылар мұнай-газ саласын жан-жақты түсінуге көмектесетін ерекше тәлімгерлер ретінде әрекет етті. Олардың оқытуға деген құштарлығы және бізді сыни тұрғыдан ойлауға ынталандыруы маған үлкен әсер қалдырды.
Менің тәжірибемнің ең жарқын сәттерінің бірі — Daily Cup-тағы кофе үзілістерінде курстастарыммен өткізген уақыт болды. Қазақ қонақжайлығы әрқашан менің жүрегімде ерекше орын алады. Сондай-ақ, мен өз салаларында сарапшы болған және әртүрлі пікірлерді құшақ жая қарсы алған орта құрған профессорларға ризамын — бұл көпмәдениетті тәсілдің тамаша үлгісі болды.
Назарбаев Университеті тәжірибелік білімді қолдану үшін таңғажайып мүмкіндіктер берді, оның ішінде тағылымдамалар, зерттеу жобалары және студенттер алмасу бағдарламалары. Мен бір жазымды Жапонияда, Акита университетімен бірлесе отырып өткіздім, содан кейін екі айдан астам уақыт мұнай-газ саласында консалтингпен айналысатын компанияда жұмыс істедім. Маған сондай-ақ университетті Ресей және Каспий аймағы үшін SPE ғылыми мақалалар конкурсында және ATCE 2024 халықаралық студенттік ғылыми мақалалар конкурсында таныстыру құрметі бұйырды, онда менің үш мақалам жарияланды. Назарбаев Университетінде өткізген уақытым маған инженер ретінде айтарлықтай өсуге мүмкіндік берді.
Назарбаев Университетіндегі оқуым мені жаһандану дәуірінің жаңа сын-қатерлеріне дайындап қана қоймай, өмірлік достар — енді отбасым деп атай алатын адамдар сыйлады.
Магистратураны бітіргеннен кейін мен экология ғылымдар саласына ауысуды шештім және PhD бағдарламасына түсу мүмкіндіктерін іздей бастадым. Назарбаев Университетінде мен құрылыс және экологиялық кафедрасында академиялық тәжірибеме толық сәйкес келетін жобаны таптым. Басқа саладан (биология ғылымдары және денсаулық сақтау) келгендіктен, маған құрылыс инженерия курстары бастапқыда қиын болды, дегенмен уақыт өте олар менің зерттеулеріме өз үлесін қосты.
Назарбаев Университеті маған ғылыми жобаларға қатысуға және жергілікті және шетелдік университеттермен ынтымақтастық орнатуға мол мүмкіндіктер берді. PhD бағдарламасы аясында мен эксперименттік, әлеуметтік зерттеулер, модельдеу және болжау жобаларымен жұмыс жасадым. Мен ҚазҰУ, Питтсбург университеті, Норвегияның Арктикалық университеті (UiT) оқытушыларымен бірлесіп жұмыс істеуге және Еуропалық Circular B COST Action-CA21103 бастамасына қатысуға мүмкіндік алдым.
PhD бағдарламасы маған көптеген дағдыларды дамытуға мүмкіндік берді. Биологиядан бастап сұйықтық механикасына дейінгі курстарында оқытушы көмекшісі ретінде жұмыс істей отырып, мен пәнаралық білім мен зерттеулерде, мәселелерді шешуде және процестерді басқаруда құнды тәжірибе алдым, яғни бұл зертханалық тапсырмалардан бастап оқу процесін ұйымдастыруды қамтыды. Бұл тәжірибе менің академиядағы болашақ мансабыма берік негіз болды. НУ-тің әсерлі зерттеу мүмкіндіктеріне қарамастан, мен үшін ең бастысы адамдар болды. Осында алған қолдау мен ынталандыру менің академиялық дамуымда басты рөл атқарды.
Мен MPH (2016-2018) түлектерінің бірінші когортасында болдым және алынған тәжірибе менің санамды өзгертті. Біріншіден, MPH бағдарламасының оқытушы-профессорлар құрамы маған эпидемиология, биостатистика және зерттеу дизайны саласында берік негіз қалауға көмектесті, бұл маған Базель университетінде қоғамдық денсаулық сақтау саласындағы докторлық диссертацияны қорғау кезінде осы білімді жетілдіруге көмектесті. MPH барысында алған білімім қажет болды және бұл бағдарлама болмаса, менің одан әрі жетістіктерім мүмкін болмас еді. Екіншіден, осы бағдарламада оқу барысында мен АҚШ-тың Балтимор қаласында өткен ISPOR конференциясында ұсынған алғашқы зерттеуімді жасадым және жарияладым. Үшіншіден, икемді дағдылар (қарым-қатынас, мәселелерді шешу, халықаралық перспектива) менің өрісімді кеңейтіп, оқуды бітіргеннен кейін маған көмектесті. Бұл бағдарлама маған зерттеу саласында алға жылжуды қалайтынымды түсінуге көмектесті. Мен қазір Швейцарияда клиникалық зерттеулер саласында жұмыс жасаймын және MPH оқытушы-профессорлар құрамына, әсіресе Байронға ризамын, өйткені онсыз менің барлық жетістіктерім мүмкін болмас еді.
Сәлеметсіздер ме, мен Сабира. Мен Nazarbayev University Foundation Year Program (NUFYP) түлегімін, қазір компьютерлік ғылымдарды оқып жатырмын. Назарбаев Университетінде оқуымды таңдаған себебім, ол Қазақстандағы ең ілгерішіл университеттердің бірі және әлемдегі ең үздік университеттердің қатарына кіреді. NUFYP бағдарламасы мен үшін студент ретінде өте құнды тәжірибе болды. NUFYP сізді бакалавриаттың қиын бағдарламасына шынайы түрде дайындайды. NUFYP-дан шыққан студенттер үшін бакалавриатта оқу жеңіл болады, өйткені олар оқу форматына, бағалау жүйесіне таныс болып, әлеуметтік желі құрған, бұл оларға болашақта достар табуға көмектеседі. Менің жеке тәжірибемде, NUFYP кезінде кампустағы әлеуметтік өмір қызықты болды. Мен НУ-де шығармашылық іс-шараларға қатыстым, мысалы, Наурыз мерекесі үшін Блок 2-нің қабырғасына аттар боядым. Бірақ мен үшін жобалық жұмыстарды орындау ең қызықты болды. Көшбасшылық негіздері және EAP пәндері біз студенттерге зерттеушілер ретінде сезінуге мүмкіндік берді. Мен академиялық тұрғыдан маңызды және пайдалы ресурстарды қалай табуды, ойларымды кәсіби түрде қалай білдіруді үйрендім. Арнайы қажеттілігі бар адамдарға арналған қабылдау саясатын түсінуге көмектескен Лидерлік жобаммен өте мақтанамын. NUFYP мен үшін тамаша бастау болды — бұл шынайы университет өмірінің демонстрациялық нұсқасы сияқты. Алайда, NUFYP студенттер үшін уақытты жеткілікті мөлшерде жұмсамаса, қиын болуы мүмкін. Сондықтан, мен оқу барысында назар аударуды және кампус өміріне аз қатысуды ұсынамын, өйткені бұл кейбір студенттердің NUFYP-ты аяқтай алмауының басты себептерінің бірі болды. Жалпы, NUFYP мені бакалавриат курсы бойынша сенімдірек сезінуге көмектесті және НУ қоғамымен күшті қарым-қатынас орнатуға жәрдемдесті. Мен университет өміріне дайын байланыстар мен біліммен кіруге ниеттілерге осы бағдарламаны ұсынамын.
