Серіктестіктер
NAC Analytica
Еншілес ұйым 2018«NAC Analytica» корпоративтік қоры 2018 жылдан бері Назарбаев Университетінің еншілес ұйымы болып табылады. «NAC Analytica» КҚ 2018 жылғы наурызда «Назарбаев Университеті» дербес білім беру ұйымы Басқарушы кеңесінің 2018 жылғы 6 наурыздағы №06.03.18 шешімі бойынша құрылды.
Қызметтің негізгі бағыттары:
-
қолданбалы және/немесе іргелі ғылыми зерттеулерді қоса алғанда, ғылыми-зерттеу жұмыстарын орындау;
-
Макроэкономикалық модельдеу мен болжауды қоса алғанда, әлеуметтік-экономикалық саясат, монетарлық саясат және қаржы секторы бойынша зерттеулер жүргізу;
-
қоғамдық-саяси ахуалға, әлеуметтік-экономикалық дамуға, іскерлік климатқа және экономикалық конъюнктураға сауал салу;
-
өзінің жарғылық мақсаттарын іске асыру мақсатында ұйымдармен, оның ішінде шетелдік мекемелермен және жеке тұлғалармен байланыс орнату;
-
Қазақстан Республикасының заңнамасында тыйым салынбаған өзге де қызметті жүзеге асыру.
University Medical Center
Еншілес ұйым 2015University Medical Center (UMC) Назарбаев Университетінің интеграцияланған академиялық денсаулық сақтау жүйесінің бөлігі болып табылады. UMC бұрынғы Ұлттық медициналық холдингінің үш клиникасың – Республикалық диагностикалық орталығы, Ана мен бала ұлттық ғылыми орталығы, Балалар оңалту ұлттық орталығы негізінде құрылды.
National Laboratory Astana
Еншілес ұйым 2015«National Laboratory Astana» жеке мекемесі 2015 жылы Қазақстан Үкіметінің және Назарбаев Университетінің қолдауымен ұйымдастырылды.
Назарбаев Университеті «NATIONAL LABORATORY ASTANА» жеке мекемесінің құрамына Өмір туралы ғылымдар орталығы және Энергетика және жаңа материалдар туралы ғылым орталығы кіреді.
Мекеменің негізгі мақсаты өмір туралы ғылымдар, энергетика, және де басқа пәнаралық ғылым саласы бойынша көпбейінді іргелі және/немесе қолданбалы ғылыми зерттеулер жүргізу, сондай-ақ ғылыми, ғылыми-техникалық, білімберу мен мамандарды даярлау бағдарламаларын әзірлеу мен іске асыру үшін ғылыми-зертханалық, тәжірибелік базалар, орталықтар, институттар құруды жүзеге асыру болып табылады.
NU Research and Innovation System
Еншілес ұйым 2012«NU Research and Innovation System» жеке мекемесі (бұдан әрі – NURIS), «Назарбаев Университеті» дербес білім беру ұйымының Атқарушы кеңесінің 2012 жылғы 25 қыркүйектегі шешімімен «Энергетикалық зерттеулер орталығы» ЖМ-ні қайта құру және атауын өзгерту жолымен құрылған. NURIS құрылтайшысы «Назарбаев Университеті» ДББҰ болып табылады. Қазіргі уақытта, Назарбаев Университетінде «NURIS» ЖМ-мен бірлесе отырып, Ұлт жоспары – 5 институционалдық реформаны іске асыру бойынша 100 нақты қадамның 63-ші қадамын іске асыру мақсатында, елдің ғылымды қажетсінетін экономикасын қалыптастыруға негіз болатын Astana Business Campus инновациялық кластерін құру және дамыту бойынша жұмыстар жүргізілуде.
Әлеуметтік даму қоры
Еншілес ұйым 2017«Назарбаев Университеті» дербес білім беру ұйымы құрған «Әлеуметтік даму қоры» корпоративтік қоры қордың ұйымдық-құқықтық нысанындағы коммерциялық емес ұйым болып табылады және Университет пен оның ұйымдарына ерікті жарналар мен заңнамамен тыйым салынбаған басқа да түсімдердің негізінде Қор қалыптастырған мүлікті ұсыну арқылы олардың қызметіндегі мақсаттарды жүзеге асыруда өтеусіз материалдық, қаржылық, ұйымдастырушылық және басқа да көмек көрсету үшін құрылды.
University Service Management
Еншілес ұйым 2010University Service Management (USM) 2010 жылғы 10 тамызда құрылған. USM негізгі қызметі болып табылатындар: университеттің академиялық, ғылыми және әкімшілік кешенінің инфрақұрылымын басқару; студенттердің, оқытушы-профессорлар құрамы, қызметкерлер мен Университет қонақтарының тұруын ұйымдастыру; жұмыс орнын ұйымдастыру; университет аумағында сервистік инфрақұрылымды дамыту; университет аумағында қауіпсіздікті қамтамасыз ету; көлікпен қамтамасыз ету; спорт ғимараттарын басқару.
Салынып жатқан кәсіпорын дирекциясы
Еншілес ұйым 2010«Салынып жатқан кәсіпорын дирекциясы» жеке мекемесі 2010 жылғы тамызда құрылған. Мекеме қызметiнiң негiзгі мақсаты инвестициялық-құрылыс жобаларын басқару болып табылады. Мекеме сәулет, қала құрылысы және құрылыс қызметі саласындағы инжинирингтік қызметтер көрсетеді, сондай-ақ «Назарбаев Университеті», оның ұйымдарының және басқа тұлғалардың инвестициялық-құрылыс жобалары бойынша тапсырыс берушi (құрылыс салушы) өкiлiнiң функцияларын жүзеге асырады.
«National Conservation Initiative» корпоративті қоры
Еншілес ұйым 20212012 жылы «Назарбаев Университеті» дербес білім беру ұйымы құрған «National Conservation Initiative» корпоративті қордың ұйымдық-құқықтық нысанындағы коммерциялық емес ұйым болып табылады. Қордың негізгі мақсаты қоршаған ортаны қорғау, тұрақты даму және климаттың өзгеруі, биоалуантүрлілікті және тарихи-мәдени мұраны сақтау саласындағы жобаларды жүзеге асыру болып табылады.