Орталық Азия мен Оңтүстік Кавказдың жетекші талдау орталығы ретінде танылған ҚР Президенті жанындағы Қазақстанның стратегиялық зерттеулер институты өзінің 30 жылдығында жаңа монография ұсынды. «Widening the Scope» – бұл халықаралық институттар негізінде қалыптасқан әлемдік тәртіптің логикасы мен қызметін өзгертудегі «орта державалардың» рөлі туралы түсінікті кеңейтетін алғашқы іргелі зерттеулердің бірі. Кітап авторы, ҚСЗИ жетекші сарапшысы Мирас Жиенбаев, орта державалардың халықаралық институттар мен жаһандық басқару жүйесін қалыптастыру мен реформалауға ықпалын терең талдауды ұсынады.
Басылымның алғы сөзін Назарбаев Университетінің негізін қалаушы-президенті, Дүниежүзілік банктің бұрынғы вице-президенті Шигео Катсу мырза жазды. «Біздің планетамыздың тағдыры тым маңызды, оны бірнеше державалардың қолында шешу мүмкін емес, олар қаншалықты күшті болса да. Мирас Жиенбаев іс-әрекет еркіндігіне ие, орта биліктегі демократилардың рөлі туралы жұмыс ұсынды. Олардың маңыздылығы американдық гегемонияның пост-дәуірінде артады, бұл тақырыптың өзектілегінің дәлелі», — деп атап өтті Ш. Катсу алғы сөзінде.
Аталған кітап биыл 13-14 шілдеде ҚСЗИ ұйымдастыруымен өткен Орталық Азиядағы Қауіпсіздік және ынтымақтастық форумының аясында алғаш рет жарияланып, халықаралық академиялық және сараптамалық қоғамдастық өкілдерінің арасында кеңінен танылды. Форумға әлемнің 25 елінен 60-тан астам қатысқан спикерлер монографияның негізгі идеялары мен гипотезаларының маңызына үлкен мән берді. Айта кетейік, басылым – халықаралық қатынастардың академиялық теориясына, сондай-ақ әлемдік аренадағы орта державалардың рөлін тұжырымдамалауға үлкен үлес қосқан еңбектердің бірі.
«Widening the Scope» Женевадағы Біріккен Ұлттар Ұйымының мұрағаты мен кітапханасының жаңа каталогына кірді. Бұл – БҰҰ-ның бүкіл құрылымындағы ең үлкен, мультилатерализм туралы әлемдік білімнің орталығы. Мұнда халықаралық қатынастар теориясы туралы бір данадан ұсынылған 11 мың бірегей туынды бар.
