«Khamza Group» ЖШС директорының орынбасарының әлеуметтік желілердегі бейне үндеуіне қатысты Назарбаев Университеті келесіні хабарлайды. «Назарбаев Университеті» ДББҰ еншілес ұйымы, «University Service Management» жеке мекемесі (бұдан әрі – Тапсырыс беруші) тендер қорытындысы бойынша «Khamza Group» ЖШС-мен (бұдан әрі – Мердігер) келісімшарт жасасты.
Келісімшартқа сәйкес, Мердігер төрт блок ғимараттың жертөле гранитін қайта жөндеуі керек еді. Шарт бойынша жұмыстарды орындау мерзімі 2022 жылдың 15 желтоқсанында аяқталды. Алайда, Мердігер Шарт талаптарын бұзып, нәтижесінде 16 күнтізбелік күн кешіктіру орнады. Сонымен қатар, төрт блок бойынша жоспарланған жұмыстардың ішінен Мердігер жұмыстарды тек бір блок бойынша орындады, б9л жұмыстар бойынша кемшіліктер анықталған, бұл тараптар 2023 жылғы 03 ақпанда қол қойған «Анықталған кемшіліктер (ақаулар) туралы» актімен расталған. Мердігер сондай-ақ Тапсырыс берушіге жұмыстарды орындау технологиясын бекіту үшін жібермеу және пайдаланылған материалдар туралы мәліметтерді бермеу арқылы Шарт бойынша өз міндеттемелерін бұзды.
Сондай-ақ 2022 жылғы 29 желтоқсанында Мердігер Тапсырыс берушіге кепілдік хат жолдады, оған сәйкес ол 2023 жылдың 9 қаңтарына дейін жұмысты аяқтауға міндеттенді, бұл жасалған Шарттың талаптары мен талаптарына сәйкес келмейді. Осылайша, Мердігер шарттық міндеттемелерді уақытында, толық көлемде және тиісті сапада орындамаған.
Жоғарыда айтылғандарды, сондай-ақ орындалған жұмыстарды қабылдау жүзеге асырылмаған Шарттың қолданылу мерзімінің өту фактісін ескере отырып және Қазақстан Республикасы Азаматтық кодексінің 386-бабының 3-тармағына сәйкес Орындалған жұмыстар актісіне қол қою мүмкін емес.
Тапсырыс беруші жұмысты орындау үшін кампусқа кіруге рұқсат бермеді деген мәлімдеме шындыққа жанаспайды. Мердігерге 2023 жылдың 14 қаңтарына дейін нысанға кіруге рұқсат берілді.
Мердігерге компанияның «Назарбаев Университеті» ДББҰ-ның сенімсіз жеткізушілер тізіміне қосылуы мүмкін екендігі, бұл компанияның болашақта университет сатып алуларына қатысуына мүмкіндік бермейтіні туралы хабарланды.
Жоғарыда айтылғандарды негізге ала отырып, Мердігердің бейне хабарламада айтқан талаптары мен айыптаулары дәлелденбегенін және шындыққа сәйкес келмейтінін хабарлаймыз.
Туындаған сұрақтар бойынша университеттің баспасөз қызметіне pressa@nu.edu.kz мекенжайы бойынша хабарласыңыз.
