Стартаптарды, командалар мен әзірлеушілерді корпоративтік акселерация бағдарламасына қатысып, USM Astana сервистік өтінімдерін басқару жүйесін әзірлеуге шақырамыз.
Жүйе кампус ғимараттары мен инфрақұрылымын пайдалануға байланысты жөндеу, жарықтандыру, жылыту, электрмен жабдықтау, тазалау және басқа да сервистік жұмыстар бойынша өтінімдерді қабылдау, бөлу және бақылау үдерістерін автоматтандыруы тиіс.
Қатысушылар нақты корпоративтік тапсырыс берушімен жұмыс істеуге, Nazarbayev University Science & Technology Park және USM Astana сарапшыларымен тәжірибе алмасуға, сондай-ақ өнімді пилоттық режимде енгізіп, одан әрі масштабтауға мүмкіндік алады.
Өтінімдер 2026 жылғы 7 тамызға дейін қабылданады.
