Назарбаев Университеті жоғары дәрежелі саяси және қоғамдық қайраткерлерді: мемлекеттердің, үкіметтердің, халықаралық ұйымдардың басшыларын қабылдауды мақтан тұтады. 2010 жылдан бері Назарбаев Университетіне 50-ден астам құрметті қонақтар келді. Олардың ішінде: Си Цзиньпин, Князь Альбер II, Дэвид Кэмерон, Синдзо Абэ, Кристин Лагард, Нарендра Моди, Кэтрин Эштон және Жозе Мануэл Баррозу.
Дорин Богдан-МартинХалықаралық электр байланысы одағының (ХЭБО) Бас хатшысы 3 қазан 2025
Назарбаев Университеті (НУ) Халықаралық электр байланысы одағының (ХЭБО) Бас хатшысы Дорин Богдан-Мартинді қабылдап, цифрлық дәуірдің сын-қатерлері мен мүмкіндіктеріне арналған дәріс өткізді. ХЭБО – ақпараттық-коммуникациялық технологиялар саласындағы БҰҰ-ның мамандандырылған агенттігі және ең көне халықаралық ұйымдардың бірі. Оның тарихы 1865 жылдан бастау алады: сол жылы Парижде 20 еуропалық мемлекет Халықаралық телеграф конвенциясына қол қойып, Халықаралық телеграф одағын құрды. Бас хатшы әлем халқының үштен бірі – 2,6 миллиард адамның әлі де интернетке қосылмағанын ерекше атап өтті. Оларды 2030 жылға дейін қосу үшін шамамен 2,8 триллион доллар көлемінде инфрақұрылымға және құзыреттерді дамытуға инвестиция қажет. Сондай-ақ ол цифрлық дағдылардың, жергілікті тілдердегі қосымшалардың және сенімді киберқауіпсіздік шараларының маңыздылығын атап өтті.Дәрістен кейін жасанды интеллект, мемлекеттік саясат, инженерия және білім беру сияқты әртүрлі салалардан келген қатысушылар ЖИ-дің мүмкіндіктері мен қиындықтарын тереңірек талқылады.
Кристоф КампЕҚЫҰ Ұлттық азшылықтар істері жөніндегі Жоғарғы комиссары (HCNM) 19 қыркүйек, 2025
ЕҚЫҰ Ұлттық азшылықтар істері жөніндегі Жоғарғы комиссары (HCNM) Кристоф Камп НУ-де «Тіл, бірегейлік және әлеуметтік бірлік: HCNM-нің интеграция саясатына көзқарасы» тақырыбында қонақ дәрісін оқыды. Өз дәрісінде Камп мырза әртүрлілікті басқару мен азшылықтардың құқықтарын қорғауда инклюзивті тәсілдердің маңыздылығын ұзақ мерзімді тұрақтылық пен бейбітшіліктің негізі ретінде атап өтті. Сондай-ақ ол Қазақстанның этносаралық келісімді нығайтудағы және ұлттық азшылықтардың тілдік әрі мәдени құқықтарын қамтамасыз етудегі бірегей жетістіктеріне тоқталды. Камп мырза бұл саладағы мемлекеттік саясаттың нақты нәтижелерін жоғары бағалап, алдағы реформалар аясында ынтымақтастықты кеңейту және бірлескен әрекеттерді үйлестіруге үміт білдірді.
Адейейе Энитан ОгунвусиИфе королі, Йоруба Халқының Рухани Көсемі 2 Маусым , 2025
Ифе королі Адеейе Энитан Огунвуси — Нигериядағы ең құрметті дәстүрлі көшбасшылардың бірі және йоруба халқының рухани көсемі — Қазақстанға сапары және Астана халықаралық форумына қатысуы аясында Назарбаев Университеті жанына келді. Бүгінде НУ жанында 50-ге жуық нигериялық студент білім алуда, олардың қатарында 16 докторант және 2 оқытушы бар. Олардың көпшілігі мейманмен кездесуге қатысты. Сондай-ақ шараға Қазақстандағы нигериялық қауымдастықтың өкілдері — ағылшын тілі мұғалімдері мен спорт саласының мамандары да келді.
Ален БерсеЕуропа Кеңесінің Бас хатшысы 29 Мамыр , 2025
29 мамырда Назарбаев Университеті Еуропа Кеңесінің Бас хатшысы және Швейцария Конфедерациясының бұрынғы президенті Ален Берсе мырзаны қабылдау құрметіне ие болды. Сапар барысында Берсе мырза «жалған ақпарат – еуропалық демократияға қауіп» тақырыбында қонақ дәріс оқыды. Тұсаукесерден кейін сұрақтар мен жауаптардың қызықты сессиясы өтті, оның барысында студенттер мен оқытушылар ойландыратын сұрақтар қойып, қазіргі әлемдегі жалған ақпаратпен байланысты мәселелерді талқылай алды.
Наташа Пирц-МусарСловения Президенті 31 Наурыз , 2025
31 наурызда Қазақстанға ресми сапары аясында Словения президенті Наташа Пирц-Мусар ханым Назарбаев Университетіне келіп, онда “Жан-жақтылықтың төмендеуі – аңыз ба, әлде шындық па?” тақырыбында дәріс оқыды. Шараға университтен 200-ден астам студент, оқытушы және қызметкер қатысты. Словения Президенті өз сөзінде бітімгершілік саясат, су ресурстары, адам құқықтарын қорғау, қоршаған ортаны қорғау, жасанды интеллект және гендерлік теңдік сияқты маңызды жаһандық тақырыптарды қозғады. Президент гендерлік әділеттіліктің ерекше маңызын атап өтіп, аталған мәселелердің барлығын шешу үшін халықаралық деңгейде ұжым ретінде бірігіп күш-жігер жұмсау қажет екенін атап өтті.
Анна Мария БерниниИталияның университеттер және зерттеулер министрі 25 қыркүйек , 2024
Италияның университеттер және зерттеулер министрі Анна Мария Бернини бастаған делегация Назарбаев Университетіне келді. Қонақтар университет басшылығымен кездесіп, жоғары білім мен ғылым саласындағы ынтымақтасық перспективаларын талқылады. Оқу орнына Италия делегациясының келуі жоғары білім мен ғылым саласындағы әріптестікке жаңа мүмкіндіктер ашады, бұл өз кезегінде екі елдің студенттері мен оқытушыларының тәжірибесін байыта түспек.
Бо ЛиХалықаралық валюта қоры (ХВҚ) басқарушы директорының орынбасары 16 қыркүйек , 2024
Халықаралық валюта қоры (ХВҚ) басқарушы директорының орынбасары Бо Ли Назарбаев Университеті студенттерімен «Кавказ бен Орталық Азияның өркендеуіне жол» тақырыбында әңгіме өткізді. Ли өңірдің аса маңызды экономикалық мәселелеріне, оның ішінде жастар арасындағы жұмыссыздықты төмендету үшін қажетті құрылымдық реформаларға, климаттың өзгеруіне қарсы күрес тәсілдеріне және Қазақстанның экономикалық перспективаларына қатысты сұрақтарға жауап берді.
Людгер ШукнехтБанкінің вице-президенті және корпоративтік хатшысы
Людгер Шукнехт Азия инфрақұрылымдық инвестициялар банкі Қазақстанда жүзеге асырып жатқан жобалары туралы дәріс оқып, Қазақстанның 2060 жылға дейін көміртегі бейтараптығына қол жеткізуге барлық мүмкіндіктердің бар екенін атап өтті. Сондай-ақ, сапар барысында Шукнехт мырза мен оның делегациясы ISSAI-дің жасанды интеллект (AI) және деректер ғылымы саласындағы қазіргі жобалары туралы хабардар болды.
Кристалина ГеоргиеваХВҚ басқарушы директоры
Георгиева ханым «Қазақстанда және Орталық Азия мен Кавказ елдерінде тұрақты, инклюзивті және жасыл экономикаға жол ашу» тақырыбында баяндама жасады. Ол сыртқы күйзелістерге қарсы тұру үшін үш негізгі бағытты (инклюзивтілік, жеке секторды дамыту және климаттың өзгеруін азайту) атап өтті. Дәріс сұрақ-жауап сессиясымен жалғасты.
Халима ЯкобСингапур Президенті
Халима Якоб ханым «Арыстан қаласынан Ұлы Далаға» атты дәрісінде Қазақстан мен Сингапур арасындағы сенімді және өзара тиімді 30 жылдық ынтымақтастық туралы сөз қозғады. Кездесу соңында Президент ханымға Назарбаев Университетінің құрметті профессоры атағы берілді.
Мохамад Малики Бин ОсманПремьер-министр кеңсесіндегі министр және Сингапурдың екінші білім және сыртқы істер министрі
Доктор Мохамад Малики Бин Осман НУ басшылығымен кездесті. Назарбаев Университетінің Жоғары мемлекеттік саясат мектебінің (NU GSPP) деканы, оқытушылар құрамы және студенттермен «Шағын мемлекеттің қиындықтары және Сингапурдың заманауи жағдайдағы дамуы» тақырыбында талқылау, содан кейін сұрақ-жауап сессиясы өтті
