Сіздерді Nazarbayev University Антропология департаменті ұйымдастыратын Жаңа Жібек жолы мұрасы альянсының (HANSR) жетінші семинарына 2026 жылғы 22-24 қазан күндері қатысуға шақырамыз. Семинар қазақ, ағылшын және орыс тілдерінде өтеді.
2026 жылғы семинардың тақырыбы — «АРХЕОЛОГИЯЛЫҚ МҰРАНЫ ҚАЙТА ЗЕРДЕЛЕУ ЖӘНЕ ЦИФРЛЫҚ БОЛАШАҚ». Семинар аясында мұра саласының болашағын айқындайтын цифрлық технологиялар, сондай-ақ алдағы онжылдықтарда туындауы мүмкін сын-қатерлер мен жаңа мүмкіндіктер қарастырылады. Іс-шараның негізгі мақсаты — мұра саласындағы әдіснамалық және теориялық бағыттардың дамуын таныстыру және талқылау, сонымен қатар жасанды интеллектінің мұра ландшафттарын зерттеуге және дамытуға ықпалын зерделеу.
Тақырыптар қарқынды дамып келе жатқан цифрлық технологиялардың мұраны материалдық және материалдық емес шекаралар арқылы зерттеуді, сақтауды және байланыстыруды жақсарту үшін бай әлеуетті қаншалықты пайдалана алатыны туралы пікірталастарға арналады.
Семинарға мұра саласындағы инновациялық тәжірибе мен теорияның жетекші өкілдерін, болашақта мұраны қорғау және сақтау ісінің маманы болатын жас зерттеушілерді, сондай-ақ Орталық Азия мен оған көршілес өңірлердегі археология және музейтану салаларында тәжірибе жинақтап жүрген немесе осы бағытта жаңадан қалыптасып келе жатқан мамандарды тарту жоспарлануда.
