23 желтоқсан 2024
Осы мақаламен бөлісіңізNU Интернационалдандыру департаменті (ISSS) халықаралық студенттерге арналған жыл соңында іс-шара ұйымдастырды. Кездесуге студенттер, қызметкерлер және Әлеуметтік даму қорының өкілдері шақырылды.
Өзінің құттықтау сөзінде NU вице-президенті Қадиша Даирова университетте қазіргі таңда әртүрлі бағдарламалар бойынша әлемнің 37 елінен 297 шетелдік студент білім алып жатқанын атап өтті. Олар Ауғанстан, Армения, Австралия, Германия, Қырғызстан, Пәкістан, Сингапур, АҚШ және т.б. елдерден келген. NU вице-президентінің айтуынша, университет шетелдік студенттердің санын арттыруды жоспарлап отыр.
“Қазақстанды оқу орны ретінде таңдағаныңызға рахмет. Біз сіздің үйдегідей сезінуіңізді қалаймыз, өйткені бәрі демалысқа кете алмады, кампуста қалды. Біздің іс-шараның мақсаты - танысу және мерекелік атмосфера мен үйдегі жайлылық үшін мүмкіндіктер жасау. Сондай-ақ белсенді студенттерге көмектері мен еріктілері үшін, Интернационалдандыру департаментінің және USM тасымалдау қызметінің қызметкерлеріне алғысымды білдіргім келеді", - деді вице-президент және студенттер мен қызметкерлерге Алғыс сертификаттарын табыс етті.
Шетелдік студенттермен және мамандармен жұмыс бойынша бөлімінің басшысы Арай Саниязова да USM тасымалдау қызметінің қызметкерлеріне алғысын білдірді, өйткені олар келген және кететін студенттер мен профессорларды жыл бойы үздіксіз тасымалдауды қамтамасыз етеді. Арай Саниязова халықаралық студенттердің бір-бірімен танысуы және достасуы үшін іс-шаралар өткізді. Кеш би және музыкалық қойылымдарымен аяқталды.
