1 шілде 2025
Осы мақаламен бөлісіңізНорвегияның сауда-өнеркәсіп палатасы EAST CCI of Norway / Østhandelskammeret Қазақстанға сапары аясында NU-ға келді.
Сапардың мақсаты — Орталық Азияда стратегиялық мүмкіндіктер іздеп, жергілікті ұйымдармен серіктестікті нығайту.
Өңірдегі адами капиталдың дамуына әсер ететін негізгі нысандардың бірі ретінде қонақтарға Nazarbayev University таныстырылды. Делегацияны студенттік істер және халықаралық қатынастар жөніндегі вице-президент Кадиша Дайырова күтіп алды. Кездесуде ғылыми-зерттеу және әзірлемелер, сондай-ақ таланттармен бірлесіп жұмыс істеу саласындағы ынтымақтастық мүмкіндіктері талқыланды.
Одан бөлек сапар аясында норвегиялық делегация Қазақстанның негізгі кәсіпкерлік ұйымдарымен бірқатар кездесу өткізді. Негізгі талқылаулар ағымдағы экономикалық үрдістер мен екіжақты ынтымақтастықтың келешегіне қатысты болды.
«Біздің делегация мұқият дайындалған және мазмұнды бағдарлама үшін шын жүректен алғысын білдіреді. Ол қазақстандық нарық туралы терең және практикалық түсінік берді. Бағдарлама сондай-ақ нақты салаларда да, экономиканың әртүрлі секторлары арасында да құнды байланыстар орнатуға мүмкіндік туғызды. Жасыл технологиялар, аквамәдениет, логистика, ғылыми зерттеулер және құрылыс сияқты салалардың өсу перспективалары жоғары», — деп қорытындылады қонақтар.
