Жоғары оқу орнынан кейінгі бағдарламалар

Тіркеу және конкурстық іріктеу мерзімдері мен үдерісі бойынша

Жоғары оқу орнынан кейінгі білім беру бағдарламасына тіркеу қай мерзімдерде өтеді?

Онлайн тіркеу кезеңдері:

 

Ерте тіркеу (1- Кезең):  2019 жылдың 4 қарашасынан бастап 2020 жылдың 16 ақпанына дейін (қоса алғанда). Тіркеу жарнасы төленбейді.

Стандартты тіркеу (2- Кезең):  2020 жылдың 17 ақпанынан бастап 2020 жылдың 12 мамырына (қоса алғанда) дейін.  Тіркеу жарнасының құны 5000 теңге.

Тіркеу кезінде ЖСН деректері бар аккуант қазірдің өзінде бар деген қатені көрсетеді, не істеу керек?

Мұндай жағдайда Сізге міндетті түрде ТАӘ, ЖСН көрсетіп, мәселені сипаттай отырып, helpdesk@nu.edu.kz  электронды мекенжайына өтінім жазу қажет.

Егер мен сауалнаманы толтырып, тегін тіркелуге үлгермесем, маған ақылы кезең үшін сауалнаманы қайта толтыру керек пе?

Ондай қажеттілік жоқ, Сіз сауалнаманы толтыруды жалғастырасыз, тіркеу жарнасын төлейсіз және екінші кезеңнің конкурстық іріктеуіне қатысу үшін тіркеуді аяқтайсыз.

Мен білім алған бакалавриат/магистратура бағдарламасынан ерекшеленетін магистратура бағдарламасы бойынша мамандықты таңдай аламын ба?

Сізде ондай мүмкіндік бар. Көптеген  бағдарламалар талаптары бойынша алдыңғы мамандығыңыздың өтінім беру мамандығына сәйкес болуы қажет емес. Алайда өзіңіздің уәждеме хатыңызда мамандығыңызды таңдау себебін нақты негіздеуге тиіссіз. Сіздің дәлелдеріңіз Қабылдау комиссиясы мүшелерінің қалауымен қабылданады.

Мен бір мезгілде бірнеше бағдарламаға тіркеле аламын ба?

Магистратура және докторантура бағдарламаларына тіркелу саны бойынша шектеу жоқ. Алайда  осындай шектеуді  келесі жылдан бастап енгізу жоспарланған.

Конкурстық іріктеуге қатысу нәтижелерін қалай білуге болады?

Сіз конкурстық іріктеуге қатысу нәтижеcі туралы өз жеке кабинетіңізден біле аласыз. Конкурстық іріктеудің қорытындысы тіркелу кезіңде көрсетілген электрондық поштағакеледі.

Егер ағылшын тілі бойынша менің деңгейім жоғары болмаса, мен Назарбаев Университеті бағдарламасына оқуға түсе аламын ба?

Оқуға ынтасы жоғары, бірақ ағылшын тілінен жоғары білімі жоқ үміткерлер  үшін  NUZYP  бағдарламасы – магистратураның дайындық жылы бағдарламасы ашылды. Осы бағдарламаға өтінім беру үшін үміткердің  IELTS бойынша кем дегенде 5.5 жалпы балы болуы тиіс, тек бір ғана секциядан 5.0 балл рұқсат етіледі («Еуразиялық зерттеулер» және «Саясаттану және халықаралық қатынастар»  мамандықтары үшін тек бір секциядан ғана 5,5 рұқсат етіледі).   

NUZYP бағдарламасы барлық бағдарламаларда бар ма?

NUZYP бағдарламасы:

  • МВА;
  • Медицина докторы;
  • Резидентура

бағдарламаларынан басқа, барлық магистратура бағдарламаларында бар.

NUZYP бағдарламасын аяқтағаннан кейін магистратура бағдарламасына конкурстық іріктеуден қайта өту керек пе?

NUZYP дайындық бағдарламасын табысты аяқтаған жағдайда магистратураға конкурстық іріктеуден өтудің және тіркелудің қажетіі жоқ.

                      

NUZYP бағдарламасын аяқтағаннан кейін мамандықты ауыстыруға бола ма?

NUZYP бағдарламасын аяқтағаннан кейін мамандықты ауыстыру мүмкін емес.

Құжаттарды тапсыру контенті бойынша

Егер мен соңғы курс студенті болсам, жоғары білім туралы дипломым болмаса да, бағдарламаға құжаттар тапсыра аламын ба?

Егер Сіз университеттің соңғы курс студенті болсаңыз, конкурстық іріктеуге қатысу үшін өзіңіздің университетіңіздің  регистратор офисі дайындаған ресми ағымдағы транскриптті тапсыра аласыз, жоғары білім туралы дипломды кейін ұсынасыз.

Құжаттардың нотариалды куәландырылған ағылшын тіліндегі аудармасы міндетті түрде керек пе?

Егер сіз ұсынған құжат ағылшын тіліндегі нұсқада болса, онда оның нотариалды куәландырылған аудармасы керек емес. Өзге жағдайларда – құжаттардың нотариалды куәландырылған ағылшын тіліндегі  аудармасы қажет, өйткені  Қабылдау комиссиясының барлық мүшелері – орыс немесе қазақ тілдерін меңгермеген шетелдіктер.

 

Егер ол транскриптте 4 балдық жүйеде көрсетілмесе, өзіңнің GPA-ңды өтінім нысанында қалай дұрыс көрсету керек?

Сіз өз GPA-ңызды  онлайн ресурсын пайдаланып 4 балдық жүйе бойынша өзіңіз есептей аласыз немесе сіздің транскриптіңізде көрсетілген GPA-ды   көрсете аласыз. Қандай жағдайда болсын оны  Қабылдау департаментінің қызметкері тексеретін болады.

 

Егер мен тегін кезеңге тіркеу аяқталған сәтте IELTS сертификатын тапсырып және оны өзімнің өтінім нысаныма жүктеп үлгермесем, менің кандидатурам қарала ма?

Сіздің тіркелуіңіз ашылатын болады, өйткені тегін тіркелу кезеңінде (ерте тіркеу) тек қана құжаттардың толық пакеті бар үміткерлер ғана қаралады. Сізге екінші кезеңге тіркелу аяқталған сәтке дейін алынған IELTS сертификатын Жеке кабинетте жүктеу қажет болады. Мұндай жағдайда тіркелу ақылы  болады.

 

Мен IELTS/TOEFL бойынша нәтижелерді тіркеу мерзімі аяқталғаннан кейін ұсына аламын ба?

IELTS/TOEFL сертификаттарын ұсынудың соңғы мерзімі 2020 жылдың 12 мамыры болып табылады. Көрсетілген мерзімнен кейін сертификаттар қабылданбайды. Мұндай жағдайда  өтінім нысаныңыз талаптарға сай келмегендіктен, іріктеу процесінің келесі кеөеңіне өткізілмейді.

 

Егер тіркелу жабылған сәтке дейін мен IELTS/TOEFL нәтижемді жақсартсам, мен сертификатты қайда жіберуге тиіспін?

Сіз жаңартылған IELTS/TOEFL сертификатының сканерленген нұсқасын тиісті мектептің поштасына жіберуге тиіссіз.

 

Тест нәтижелерін жіберуге арналған GRE/GMAТ кодтары қандай?

Тест нәтижелерін жіберуге арналған Назарбаев Университетінің  кодтары:

GRE – 6496

GMAT  - Н6m – R7-93

 

Тест нәтижелерін жіберуге арналған IELTS/TOEFL кодтары қандай?

Тест нәтижелерін жіберуге арналған Назарбаев Университетінің  кодтары:

IELTS – Назарбаев Университеті

TOEFL – 6762

ALEKS тесті дегеніміз не?

ALEKS тесті бизнеске арналған негізгі математикалық дағдылар деңгейін анықтайтын емтихан болып табылады.

 

ALEKS тестінің форматымен танысуға бола ма?

Ия, таныса аласыз және келесі веб-сайтта ALEKS тестілеу бойынша сынама тестілеуден өтуіңізге болады:  www.aleks.com немесе:  http://www.aleks.com/buy_aleks_now бір айға жазылуды сатып алуға болады. Сіз – Бинес үшін  қажетті метематикалық дағдылар бөліміне өтуіңіз керек.

 

ALEKS тестісі Full-Time MBA және MEM бағдарламаларында ақылы бола ма?

ALEKS тестісінің құны тіркеу жарнасының құнына кіреді. ALEKS тестісі қайта тапсырылған жағдайда      құны 10 000 теңге болады.

MEM бағдарламасы бойынша қайта тапсыру көзделмеген.

ALEKS тестісі қайда тапсырылады?

ALEKS тестісі Назарбаев Университетінде тапсырылады. Емтиханға шақыруды Қабылдау комиссиясының хатшысы жібереді. Үміткерледрің  бекітілген күндер тізімінен тапсыру күнін таңдау мүмкіндігі бар.

Егер менің ALEKS тестісін тапсыру үшін Назарбаев Университетіне келуге мүмкіндігім болмаса не істеймін?

Егер  ALEKS тестісін тапсыру үшін Назарбаев Университетіне келуге мүмкіндігіңіз болмаса, Сізге GRE немесе GMAT емтихандарының сертификаттарын ұсыну қажет.

Маған ұсыным берушілер кімдер болуы мүмкін?

Ұсыным берушілер ретінде сізбен академиялық салада жұмыс істеген адамдарды – профессорлар, ғылыми жетекшілер, оқытушылар, декандар, яғни сізді білім алушы ретінде танитындарды, сондай-ақ сізді кәсіби жағыңыздан  білетін адамдарды – жұмыс берушілер, әріптестер, стратегиялық әріптестер және т.б. таңдай аласыз.

Ұсыным хаттарды беру рәсімі қандай?

Өтінім нысаныңызды тіркеуді аяқтап «SUBMIT APPLICATION» түймешігіне басқаннан кейін Сіз көрсеткен электронды мекенжайларға ұсыным берушілеріңізге сілтеме жіберіледі. Осы сілтеме екі ұсыным хаттарды екі әдіспен тапсыруға мүмкіндік береді. Бірінші әдіс ұсыным беруші өзінің ұсынымын НУ-ға  өзі қызмет ететін ұйымның корпоративтік поштасынан жібереді. Электронды мекенжайдағы сілтемеден өтіп ұсыным хаттың электронды нысанын толтыру қажет.  Екінші әдіс  ұсыным берушінің корпоративтік поштасы болмаған жағдайларға арналған. Мұндай жағдайда ол ұйымның бланкісінде шығыс нөмірі мен күні көретілген хат  дайындау қажет. Хат сканерленеді және сілтемеден өтудің көмегімен бекітіледі. Ұсыным берушілерге хатты дайындау үшін берілетін уақыт - 5 жұмыс күні.

Егер менің ұсыным берушім хатты дайындаудан бас тартса, мен оны басқаға ауыстыра аламын ба?

Иә, сіз мектебіңіздің электрондық поштасына тиісті сұрау салып, жаңа ұсыным берушінің толық деректерін және ол қандай кандидатураның орнына ауыстырылатынын көрсетіп, ұсыным берушіні ауыстыра аласыз.

Мен докторантура бағдарламасына түсу үшін ғылыми зерттеу тақырыбын қалай таңдай аламын? Мен PhD бағдарламасы бойынша оқығанда айналысқым келетін зерттеулер Университетте жүргізілетінін қалай білуге болады?

Ғылыми зерттеу тақырыбын білу үшін сізге тиісті мектептің сайтына кіріп, профессорлардың профайлдарын және олардың зерттеу тақырыптарын қарап, осы зерттеулерден сізге ең жақын және қызықты болып табылатынын түсіну, осы бағыт аясында тақырыпты тұжырымдау қажет. Сондай-ақ Сіздің Мектеп профессорларының жыл бойы өткізетін ашық лекциялары мен  сессияларына, ашық есік күндеріне қатысу мүмкіндігіңіз бар, бұл Сізге сұрақтар қоюға және ғылыми негіздеме дайындауда консультация алуға көмектеседі.

Уәждеме хаттың мазмұнына қойылатын талаптар бар ма?

Хаттың мазмұнына қойылатын талаптар жоқ. Хаттың барлық контенті сіздің авторлық жобаңыз болып табылады. Интернетте уәждеме хатты қалай дұрыс дайындау керектігіне ұсынымдар беретін ресурстар өте көп. Назарбаев Университетінің кейбір бағдарламаларында хаттың көлемі бойынша талаптар бар.

Еңбек қызметімді жүзеге асырып отырсам да, менің еңбек кітапшам болмаса қалай болады?

Егер еңбек өтілі бағдарламаның міндетті талабы болмаса, онда деректерді түйіндемеде  беру жеткілікті. Егер еңбек өтілі міндетті талап болса, онда сізге еңбек қызметіңізді жүзеге асырған ұйымдардан ресми бланктердегі растау хаттарын сұрау қажет болады.

МСАТ емтиханы дегеніміз не?

MCAT емтиханының толық атауы - Medical College Admission Test. Медицина факультетінде оқығысы келетін студенттерге арналған емтихан.

MCAT бірнеше таңдау сұрақтарынан тұратын  (multiple choice questions), студенттердің дағдыларын бағалайтын, атап айтқанда: күрделі мәселелерді шеше білу, сыни тұрғыда ойлау және медицинаны зерделеудің алғышарты болып табылатын жаратылыстану және әлеуметтік ғылымдар, биология және басқа да пәндері бойынша білімін тексеретін стандартталған тест болып табылады.

MCAT форматы

Тест төрт бөліктен тұрады.

  • Тірі жүйелердің биологиялық және биохимиялық негіздері
  • Биологиялық жүйелердің химиялық және физикалық негіздері
  • Мінез-құлықтың психологиялық, әлеуметтік және биологиялық негіздері
  • Сыни тұрғыда талдау және ой елегінен өткізу

MCAT бағалау

Аталмыш әр сексиясы бойныша1-ден 15-ке дейін балл алуы мүмкін. Түпкілікті нәтиже — бұл MCAT бойынша барлық бөліктер балдарының жиынтығы. Нәтижелер тест тапсырған соң 30-35 күннен кейін мәлім болады. Студент бұл ақпаратты MCAT ресми сайтынан «Get Your Test Scores» бөлімінен біле алады.

MCAT-қа тіркелу және ақы төлеу

Тест құны алдын ала тіркелу мен соңғы сәтте тіркелуіңізге байланысты 305-тен 355 долларға дейін өзгеруі мүмкін. Тіркелгенне кейін, дайындалуға арналған материалдарды мына сілтемеден таба аласыз.

MCAT емтиханын қайда тапсыруға болады?

МСАТ емтиханың тек шетелде ғана тапсырылады. Сізге aamc.org сайтына тіркелу және емтихан тапсыратын елді және күнін таңдау керек. Емтихан нәтижесін Медицина докторы бағдарламасына онлайн тіркеу аяқталғанға дейін ұсынылуы тиіс.

USMLE емтиханы дегеніміз не?

Резидентура бағдарламасына түсуге арналған USMLE емтиханының тек Step 1 ғана тапсырылады.

USMLE Step 1 – бұл АҚШ және Еуропалық одақтың көптеген елдерінің медициналық ЖОО-ларының екі алғашқы курстарында оқытылатын пәндер бойынша білімді тексеру үшін ұсынылатын сұрақтарға жауаптарды таңдаумен компьютерде өткізілетін емтихан. USMLE дәрігердің білімін, тұжырымдама мен қағидаттарды практикада қолдану, сондай-ақ нақты клиникалық жағдайлардың моделденген базасында пациентке күтім жасаудың негізгі дағдыларын көрсету қабілетін бағалайды.

Емтихан 350 сұрақтан тұрады (60-тан бастап 70 сөзге дейін) ұзақтығы -  7 сағат + 45-минут үзіліс

IFOM емтиханы дегеніміз не?

IFOM АҚШ Ұлттық медициналық сарапшылар кеңесі (National Board of Medical Examiners — NBME) әзірлеген, науқасты күту кезінде дәрігердің негізгі функцияларын іске асырудың негізгі пәндері болып табылатын негізгі және клиникалық пәндерді білу.

Емтихан бірнеше жауаптар нұсқаларымен 160 сұрақтан тұрады, олардың көбісі сынақтан өтушінің есіне түсіріп қана қоймай, медициналық ғылым бойынша базалық білімін қолдану қабілетін бағалау үшін клиникалық виньетка түрінде ұсынылған. Сұрақтар келесі салаларды қамтиды: анатомия, биохимия, гистология және жасуша биологиясы, микробиология, ағза жүйелері, патология, фармакология, физиология

USMLE/IFOM емтихандарын қайда тапсыруға болады?

IFOM тестін Назарбаев Университеті Медицина мектебінде тапсыруға болады. Сіз бұл емтиханды 2020 жылдың сәуір және маусым айларында тапсыра аласыз. Барлық нақты ақпаратпен www.nusom.nu.edu.kz сілтемесі арқылы таныса аласыз.

USMLE емтиханың тек шетелде ғана тапсыра аласыз. Барлық нақты ақпаратпен www.usmle.org сілтемесі арқылы таныса аласыз.

Резидентура бағдарламасына құжат тапсыру үшін қандай диплом қажет?

Резидентура бағдарламасына конкурсқа қатысу үшін DM дипломы немесе Дүниежүзілік медициналық мектептер анықтамалығына (World Directory of Medical Schools) сәйкес танымал университетте алынған балама жоғары медициналық дәреже (елде тәуелсіз емдеу дәрігері ретінде іс-тәжірибемен айналысу үшін тіркелу немесе сертификат алу құқығын беретін ең жоғары деңгейдегі медициналық біліктілік) қажет.

Қоғамдық денсаулық сақтау магистрі бағдарламасына конкурсқа қатысу үшін базалық медициналық білім қажет пе?

Базалық медициналық білім міндетті критерий емес, алайда уәждеме хат жазғанда осы бағдарламада білім алғыңыз келетін себебтеріңізді көрсетуіңіз қажет.

Оқу процесі бойынша

Жұмыстан қол үзбей оқи алатын магистратура бағдарламалары бар ма?

Назарбаев Университетінде жұмыстан қол үзбей оқуға мүмкіндік беретін келесі бағдарламалар бар:

  • Білім берудегі көшбасшылық (модульдік оқыту);
  • Мемлекеттік басқару (демалыс күндері оқу);
  • Басшыларға арналған іскерлік әкімшілендіру (демалыс күндері оқыту)

Қалған бағдарламалар күндізгі бағдарламалар болып табылады.

Магистратура/докторантура бағдарламасын аяқтағаннан кейін жұмыспен өтеу бар ма? Қандай талаптар мен жағдайлар көзделген?

Магистратура және докторантура бағдарламалары бойынша оқуды аяқтағаннан кейін ҚР БҒМ-нің жұмыспен өтеу талаптары бар, мерзімі 3 жыл және «Білім туралы» Заңда белгіленген. Жұмыспен өтеу сұрақтарын толығымен ҚР БҒМ Қаржы орталығы үйлестіреді.

 

Магистратура мен докторантура студенттеріне жатақхана беріледі ме?

Жатақхана магистранттар мен  докторанттарға кезектілік ретімен беріледі. Foundation, бакалавриат бағдарламаларының студенттеріне, сондай-ақ шетелдік  студенттерге басылымдылық еріледі.

 

Жатақханада тұру құны қандай?

Жатақханада тұру құны:

29 260 тг – 1 семестр үшін 2-бөлмелі орын

87 780 тг – 1 семестр үшін 1-бөлмелі орын

 

Магистратура және докторантура бағдарламаларында стипендия мөлшері қандай?

Магистратура мен NUZYP бағдарламаларының студенттері үшін ай сайынғы стипендия құны 125 000 теңге, ал докторантура студенттері үшін - 102 498 теңгені құрайды. Докторантура бағдарламасының студенттері үшін зерттеуші ассистенті немесе оқытушы ассистенттері ретінде жұмыс көзделген. Аталмыш жұмыс үшін 600$ мөлшерінде айлықақы төленеді. 

 

Бағдарлау апталығына қатысу міндетті болып табыла ма?

Бағдарлау апталығына қатысу универсиеттке оқуға түсу міндетті талаптарының бірі болып табылады.