Назарбаев Университетіндегі оқуды қаржыландыру түрлері

Қазақстан Республикасының бюджет есебінен қаржыландыру

Назарбаев Университетінің білім беру гранты – тиісті білім беру деңгейі бойынша Университетте немесе дайындық бөлімінде білім алуға ақы төлеу үшін мемлекеттік білім беру тапсырысы шеңберінде білім алушыларға берілетін нысаналы ақша сомасы, Назарбаев Университетіне оқуға қабылданғандар тиісті бағдарлама/мамандықтың оқуға қабылдау ережелеріне сәйкес марапатталады.

Білім алушыларға оқу құны қамтылады, Қазақстан Республикасының қолданыстағы заңнамасы мен Университеттің ішкі құжаттарына сәйкес ай сайынғы жәрдемақы және төмендетілген жол ақысына өтемақы төленеді.

Назарбаев Университетінің білім беру гранты мемлекеттік білім беру тапсырысы шеңберінде және /немесе «Болашақ» халықаралық стипендия аясында тиісті дәреже бойынша деңгейге ие болған тұлғаларға берілмейді.

Назарбаев Университетінің қаражаты есебінен қаржыландыру

«Ыбырай Алтынсарин» гранты – Тиісті бағдарлама/мамандық бойынша Университетке түсу үшін Қабылдау комиссиясы ұсынған тізімге енгізілген, және келесі бір немесе бірнеше талаптарға сай келетін Қазақстан Республикасының азаматтарына беріледі:

  • жетім немесе ата-анасының қамқорлығынсыз қалған балалар;
  • I, II және III топтардың мүгедектері болып табылатын тұлғалар;
  • көп балалы отбасылардан шыққан тұлғалар;
  • ата-аналарының біреуі немесе екеуі де I, II және III топтардың мүгедектері болып табылатын тұлғалар.

Грант Назарбаев Университетімен қаржыландырылған, тек оқу ақысын ғана қамтиды. Жәрдемақы және төмендетілген жол ақысына өтемақы қарастырылмаған. Гранттар тиісті бағдарлама бойынша оқудың барлық кезеңіне беріледі.

«Абай Құнанбаев» гранты – Тиісті бағдарламаның Қабылдау комиссиясы Университетке оқуға қабылдауға ұсыныс берген шетел азаматтарына және азаматтығы жоқ тұлғаларға тағайындалады  Грант Назарбаев Университетімен қаржыландырылады және оқу ақысын қамтиды. Айлық шәкіртақының төленуі талапкердің Қабылдау комиссиясы жасаған рейтингісіне байланысты болады.

Абай Құнанбаев (1845-1904) — қазақтың ақыны, композитор, ағартушы, саяси қайраткер, жазба қазақ әдебиетінің негізін қалаушы және оның алғашқы классигі. Абай Құнанбаев XIX ғасырдың соңы мен  XX ғасырдың басында қалыптасып келе жатқан қазақтың ұлттық интеллигенциясына үлкен әсерін тигізген.

Білім алушылардың өз есебінен қаржыландыруы (ақылы оқуға түсу)

Ақылы оқытуға қабылдау тиісті бағдарлама/мамандық бойынша қабылдау ережелеріне сәйкес конкурстық негізде жүзеге асырылады. Оқу ақысының мөлшері Университет мектебі сайтының тиісті бағдарлама/мамандық бөлімінде көрсетілген.

«Назарбаев Университеті» дербес білім ұйымының университет алдындағы дайындық, бакалавриат және магистратура бағдарламаларында (Жоғары бизнес мектебі бағдарламаларынан басқа) ақылы негізде оқитын белгілі бір үміткерлер санаттары үшін оқу құнының 50%-дан (жартылай грант) 100% дейін гранттар қарастырылған, оның ішінде:

Қазақстан Республикасының азаматтары үшін

No.

Тұлғалар санаттары

Оқу бағдарламасы

1.              

Жетім балалар немесе ата-анасының қамқорлығынсыз қалған балалар, 29 жасқа жетпей ата-анасының қамқорлығынсыз қалған балалар

Университет алдындағы дайындық, бакалавриат

2.              

I, II және III топтағы мүгедек болып саналатын балалар

Университет алдындағы дайындық, бакалавриат магистратура

3.              

Көп балалы отбасынан шыққан немесе 23 жаска дейінгі 4 немесе одан көп бір туған немесе жартылай ағайындылар бірге тұратын отбасынан шыққан балалар

Университет алдындағы дайындық, бакалавриат, магистратура

4.              

Ата-анасының біреуі немесе екеуі де I, II және III топтағы мүгедек болып саналатын балалар

Университет алдындағы дайындық, бакалавриат, магистратура

5.              

Foundation және бакалавриат бағдарламаларының студенттері

Университет алдындағы дайындық, бакалавриат

6.              

Қазақстан Республикасы мемлекеттік мекемелері мен мемлекеттік кәсіпорындарының қызметкерлері

Магистратура

7.              

Магистратура бағдарламаларының дайындық жылы (NUZYP) және магистратура бағдарламаларының студенттері

Магистратура

 

Шетел азаматтары үшін

 

No.

Тұлғалар санаттары

1

Дүниежүзілік банктің жіктемесіне сәйкес табысы төмен және ортадан төмен елдердің азаматтары *

2

Дүниежүзілік банктің жіктемесіне сәйкес табысы орташа және ортадан жоғары елдердің азаматтары *

3

Дүниежүзілік банктің жіктемесіне сәйкес табысы жоғары елдердің азаматтары *

*Дүниежүзілік банктің жіктемесіне сәйкес елдер тізімі: https://datahelpdesk.worldbank.org/knowledgebase/articles/906519-world-bank-country-and-lending-groups

 

Оқуға жартылай грантты алу шарттары туралы қосымша ақпарат алу үшін Bursar’s office-не хабарласыңыз:

Телефон: +7 (7172) 70 66 20, 70 60 32,  70 91 99, 70 60 86, 70 90 27,

еmail: bursars_office@nu.edu.kz

5034 кабинеті, C2 блогы

Қабанбай батыр даңғылы, 53