барлық жаңалықтар
19 қыркүйек 2023 #NUgoesGLOBAL

NU жаңа халықаралық ынтымақтастық байланыстары арқылы жаһандық серіктестікті кеңейтуде

NU жаңа халықаралық ынтымақтастық байланыстары арқылы жаһандық серіктестікті кеңейтуде

19 қыркүйек 2023

Осы мақаламен бөлісіңіз

2023 жылда NU академиялық алмасуды, зерттеу мен білім алмасу саласындағы ынтымақтастықты, студенттердің ұтқырлығын ілгерілету мақсатында әлем бойынша танымал оқу орындарымен 20-дан астам өзара түсіністік туралы келісімдер мен меморандумдарға қол қойды.

2023 жылдың қыркүйегіне дейін NU 9 мемлекетте (Әзірбайжан, Канада, Қытай, Франция, Германия, Малайзия, Марокко, Нидерланды, Оңтүстік Корея, Түркия және Біріккен Араб Әмірліктері) орналасқан институттармен өзара түсіністік туралы меморандумдарға қол қою арқылы жаһандық ынтымақтастық географиясын едәуір кеңейтті.

2023 жылы қол қойылған келісімдер:

  • БҰҰДБ: гендерлік теңдікті қолдау және әйелдердің мүмкіндіктерін кеңейту саласындағы байланыстарды нығайту;
  • ЮНЕСКО: кітапхана ынтымақтастығы арқылы жаһандық білім алмасуға ықпал ету;
  • Халықаралық Түркі академиясы: түркі әлеміндегі қатынастарды нығайту;
  • Цинхуа университеті, Қытай: студенттердің ұтқырлық бағдарламасын іске қосу;
  • Малайя университеті (Малайзия): Оңтүстік-Шығыс Азиямен ынтымақтастықты кеңейту;
  • Лотарингия университеті (Франция): тұрақты даму мен "жасыл" технологияларды ілгерілету;
  • КОЧ университеті (Түркия): Жерорта теңізіндегі серіктестік байланыстарды кеңейту және ұтқырлық бағдарламасы;
  • АДА университеті (Әзірбайжан): Оңтүстік Кавказбен академиялық алмасуды қолға алу;
  • КЕНТЕХ университеті (Оңтүстік Корея): тұрақты энергетика саласындағы ынтымақтастық.

Сонымен қатар, Назарбаев Университеті дипломатиялық миссиялардан, әлем деңгейіндегі оқу орындарынан, білім беру агенттіктері мен компаниялардан 100-ге жуық делегацияларды қабылдап, оқытудың әртүрлі саласындағы диалог пен ынтымақтастыққа ықпал етті. Бұл қонақтардың арасында Сингапур президенті, басқарушы директор және Халықаралық валюта қорының төрағасы, Азия инфрақұрылымдық инвестициялар банкінің вице-президенті және корпоративтік хатшысы сияқты танымал тұлғалар болды.

NU Астанадағы дипломатиялық қоғамдастықпен тығыз жұмыс жасайды. 2023 жылдың қыркүйегіне дейін 24 елшілікпен әр түрлі бірлескен іс-шаралар өткізілді. Олардың ішінде: қонақ дәрістері, шет тілдерді оқыту, кітап презентациялары, мәдени және академиялық іс-шаралар мен т.б. Елшілердің дәрістері аясында 2023 жылдың көктемгі семестрінде НУ халықаралық ұйымдардың елшілері мен басшыларының жетекшілігімен 9 қонақ дәріс өткізді. NU-да шетелдік өкілдіктер мен агенттіктердің қолдауымен 7 шет тілі оқытылады.

Назарбаев Университеті серіктестік байланыстарды нығайтуға және әртүрлі салаларда жаңа серіктестіктер бастауды мақсат етеді. Университет ғылыми жетістіктерден бастап әлеуметтік-экономикалық дамуға дейінгі бүгінгі күннің күрделі міндеттерін шешуде трансшекаралық ынтымақтастықтың құндылығын мойындайды. Қазіргі уақытта ынтымақтастық пен білім алмасудың одан да үлкен мүмкіндіктеріне бағытталған бірқатар келісімдер жасалуда.

 

Ұқсас жаңалықтар