28 қыркүйек 2023
Оқиғалар#NUgoesGLOBAL
Назарбаев Университеті әлемдегі ең үздік университеттердің 30% қатарына енді
28 қыркүйек 2023
Осы мақаламен бөлісіңізНазарбаев Университеті (NU) Times Higher Education (THE) 2024 жылғы халықаралық университеттер рейтингі бойынша халықаралық зерттеу университеттерінің үздік 30 процентінің қатарына енді.
28 қыркүйекте жарияланған THE нәтижелері 100-ге жуық елдегі 1904 университетті бағалайды. NU бұл халықаралық рейтинг кестесіне алғаш рет қатысты. Небәрі 13 жыл ішінде әлемнің жетекші зерттеу университеттерінің үштен бірі қатарына қосылу – маңызды кезең болғанымен, халықаралық стандарттар бойынша көрнекті жетістік.
Назарбаев Университеті 501-600 аралығындағы позицияда орналасып, Қазақстан, Орталық Азия және Кавказ университеттер арасында үздік көрсеткіштерге ие болды. 2024 жылдың рейтингінде Қазақстанның 4 жоғары оқу орны ұсынылған, бұл тізімде Назарбаев Университеті көш бастап тұр.
NU Қамқоршылық кеңесінің төрағасы, ҚР Премьер-Министр Әлихан Смайылов: «Бұл әсерлі нәтиже Қазақстанның Назарбаев Университетін ел мен аймақ үшін әлемдік деңгейдегі зерттеу университеті ретінде құру туралы шешімінің орындылығын растайды. Нәтиже Назарбаев Университетінің бүкіл қауымдастығының қажырлы еңбегін, таланты мен амбициясын көрсетеді. Бұл университеттің Орталық Азиядағы жоғары білім берудегі танымал көшбасшы ретіндегі ұстанымын растайды».
Университетті 10 жылдан астам басқарған NU Негізін қалаушы президенті Шигео Катсу бұл жетістікті университеттің дамуындағы маңызды кезеңі деп атады. «Бұл ойлану және NU-дың әлемдік деңгейдегі университет ретіндегі бастапқы пайымдауын қолдаған көптеген адамдарға алғыс айту мүмкіндігі. Біз соңғы он екі жылда NU жетістіктерінің іргетасын қалаған және осы оқу орнының жетістіктеріне үлесін қосқан әріптестерге алғыс айтамыз. Біз адалдық пен мінсіздік құндылықтарына негізделген күшті институтты құрған дарынды студенттер, профессорлар және қызметкерлерді ерекше мақтан тұтамыз. NU алдағы жылдары Қазақстан экономикасының дамуына үлес қосуды және тұрақты даму мәселелеріне, соның ішінде БҰҰ-ның Тұрақты даму мақсаттарына назар аударуды жалғастырады,» - деп атап өтті Ш. Катсу.
Қазіргі даму кезеңінде Назарбаев Университеті THE WUR рейтингіне артықшылық бергеніне бірқатар дәлелді себептер бар. Олар:
- THE рейтингінің жан-жақты және теңдестірілген бағалау әдіснамасы;
- Жыл сайынғы тәуелсіз сыртқы аудитпен дәлелденетін университеттердің тиімділігін бағалаудағы әділдік;
- Университетердің ғылыми қызметін бағалауға ерекше назар аударуы.
Жаңартылған бағалау әдіснамасына сәйкес университеттер 5 бағыттағы 17 көрсеткіш бойынша бағаланады:
- Оқыту (29,5%),
- Зерттеу ортасы (29%),
- Зерттеу сапасы (30,5%),
- Өнеркәсіппен байланыс (4%),
- Халықаралықтандыру (7,5%).
NU «Зерттеу ортасы» және «Зерттеу сапасы» критерийлері бойынша өте жоғары баға алды: бұл санаттарға университеттің ғылыми-зерттеу саласындағы беделін бағалайтын көрсеткіштер, дәйексөздерге сілтемелер мөлшері бойынша дүние жүзіндегі басылымдардың үздік 10% құрамындағы ғылыми жарияланымдар саны және басқа да көрсеткіштер кіреді. NU-дың осы санаттардағы жоғары ұпайлары оның профессорлары мен зерттеушілері жүргізетін жоғары халықаралық зерттеулер деңгейін көрсетеді. NU «Халықаралықтандыру» санатында да жоғары баға алды: 2018-2022 жылдар аралығындағы NU басылымдарының жоғары үлесінде (67%-дан астам) халықаралық бірлескен авторлығы бар. Соңғы бес жылда NU-ң дәйексөздерге сілтеме жасау саны индексі (FWCI) 1,34 болды. Бұл NU басылымдарына дүниежүзілік орташа көрсеткіштен 34%-ға артық сілтеме жасалғанын көрсетеді. Осы көрсеткіш бойынша университет алдыңғы қатарлы Шығыс Азиялық Қытай, Жапония және Оңтүстік Кореядағы алдыңғы қатарлы университеттерімен бір қатарда.
«Нәтижелер Қазақстанда таланттың кеңдігі мен тереңдігін растайды. Бізде қатаң халықаралық стандарттарға жауап беретін және одан асып түсетін ғалымдар, студенттер мен зерттеушілер бар. Деректер бізде қазірдің өзінде айтарлықтай зерттеу мүмкіндіктері бар екенін көрсетеді. Біз өзіміздің стратегиялық амбицияларымызды қанағаттандыру үшін іс-қимыл жоспарын әзірлеп жатырмыз. Алда әлі талай асулар бар, осымен тоқтамаймыз. Тек алға!» деп Президент міндетін атқарушы, проректор Илесанми Адесида деді.
THE халықаралық университеттер рейтингі университеттердің сапасына толық шолу жасайды. THE WUR әдістемесіндегі салмақтың үштен екісі зерттеу көрсеткіштерінен құрылады. Сондықтан NU жаһандық рейтингтердегі табыс пен ілгерілеуді қамтамасыз ету үшін әлемдік деңгейдегі зерттеулерге қолайлы орта құруға басымдық беруі керек. Бұл (1) ғылыми-зерттеу әлеуетін арттыру және ғылыми кадрларды дамыту, (2) әлемдік деңгейдегі зерттеулер жүргізу үшін барабар қаржылық ресурстарды қамтамасыз ету және (3) Қазақстандағы жоғары білім беруде зерттеу мәдениетін ұжымдық түрде дамыту.
Назарбаев Университеті Орталық Азия және Кавказ өңіріндегі университеттер арасында жетекші орынға ие болғаны ең алдымен зерттеулер деңгейінің көрсеткіштеріне, ғылыми еңбектер санына және сілтеме көрсеткіштеріне байланысты. Осылайша, THE рейтингіне қатысу үшін, Scopus деректер базасына сәйкес, университет соңғы 5 жылда кемінде 1000 жарияланым және жыл сайын кемінде 150 ғылыми жарияланым жасау керек. Осы күнге NU қатысуымен жарияланған ғылыми мақалалардың саны 7 мыңнан асты – бұл 2011-2022 жылдар аралығында жарияланған қазақстандық жоғары оқу орындарының барлық мақалаларының шамамен 1/6 бөлігін құрайды (42 549).
Сонымен қатар, Q1-дегі (First Quartile) – ғылыми қоғамдастықтағы ең көп сілтеме жасалған және маңыздылығы жоғары журналдар рейтингінде - NU басылымдарының саны соңғы бес жылда 615-тен 2896-ға дейін өсті. Бұл, Scopus деректері бойынша, 2011 жылдан бастап Q1 журналдарында жарияланған қазақстандық университеттердің барлық ғылыми мақалаларының (8110) үштен бірінен астамын құрайды. Әдетте, Q1 журналдары тәуелсіз рецензенттер ғылыми құндылығы бойынша бағалаған ұсынылған жұмыстардың шамамен 10%-ын ғана қабылдайды.
Назарбаев Университеті ғылыми зерттеулерді өзінің академиялық бағдарламасына белсенді түрде біріктіреді, бұл студенттердің ғылыми қызметке қатысу деңгейін айтарлықтай арттырады. Осылайша, NU ғылыми жарияланымдарының шамамен 23%-ында кем дегенде бір студент-автор бар.
Маңыздысы, дүние жүзіндегі елдер технология мен ғылымға негізделген бәсекеге қабілетті заманауи экономиканың негіздері жоғары сапалы зерттеу университеттерінің болуымен тығыз байланысты екенін мойындады. Іргелі және қолданбалы зерттеулер экономикада инновацияларға, жаңалықтарға және жаңа өнімдерге әкеледі. NU да жаңа экономикалық мүмкіндіктерге әкелетін материалдар, биотехнология және медицина, энергетика және деректер ғылымы саласындағы зерттеулерді алға жылжытады. Рейтингке енген университеттердің саны осы себептен жыл сайын артып келеді. 2023 жылы THE рейтингіндегі ЖОО саны 1799 болса, 2024 жылғы рейтингке 1904 университет енді. Әлемде 30 000-ға жуық университет бар, олардың тек 2 000-ға жуығы ғана THE рейтингіне кіру критерийлеріне сай келеді.
Назарбаев Университетінің келесі стратегиялық мақсаты – 2030 жылға қарай THE WUR рейтингі бойынша әлемдегі ең үздік 20% университеттің қатарына кіру.
Ұқсас жаңалықтар
13 қаңтар 2025
Оқиғалар#NUgoesGLOBALЖасанды интеллект саласындағы әлемдік эксперт Ли Кай-Фу NU-дың өнімдеріне жоғары баға берді
6 қаңтар 2025
6 NU ғалым «Үздік ғылыми қызметкер-2024» сыйлығын алды
27 желтоқсан 2024
#NUgoesGLOBAL#NUnewsNazarbayev University Advance HE халықаралық жоғары білім беруді дамыту бағдарламасының мүшесі болды
13 қаңтар 2025
Оқиғалар#NUgoesGLOBALЖасанды интеллект саласындағы әлемдік эксперт Ли Кай-Фу NU-дың өнімдеріне жоғары баға берді
6 қаңтар 2025
6 NU ғалым «Үздік ғылыми қызметкер-2024» сыйлығын алды
27 желтоқсан 2024
#NUgoesGLOBAL#NUnews