7 қараша 2023
Оқиғалар
Нидерланд Корольдігі Елшісінің қонақ дәрісі
7 қараша 2023
Осы мақаламен бөлісіңіз2023 жылғы 7 қарашада Назарбаев Университетіне (NU) Нидерланд Корольдігінің Қазақстандағы Елшісі Николаас Якоб Схермерс «Дипломатия және дипломаттың мансап жолы» тақырыбында қонақ дәрісімен келді.
Дәріс университет қауымы студенттер, оқытушылар және қызметкерлер үшін өткізілді. Елші Қазақстанға 2 ай бұрын келіп, Қазақстан Республикасының Президентіне агреман табыстады. Дәріске NU студенттері мен профессорлық-оқытушылық құрам үлкен қызушылық танытты.
Дәріс барысында Елші дипломат болу тәжірибесімен бөлісіп, Нидерланд және ел экономикасының ерекшеліктері туралы айтып берді. Дәрістен кейінгі интерактивті сессия қатысушыларға Елші Схермерспен әр түрлі тақырабтарда пікір алмасуға мүмкіндік берді. Студенттер өз сұрақтарын қойды, дипломатиялық мансап бойынша кеңестер сұрады және Қазақстан мен Нидерланд арасындағы ынтымақтастықтың әлеуетті мүмкіндіктеріне қызығушылық танытты.
Назарбаев Университеті Елші Николас Схермерске өз тәжірибесімен бөлісіп, студенттердің академиялық және кәсіби дамуына үлес қосқаны үшін шын жүректен алғыс білдіреді.
Схермерс мырза Лейден мемлекеттік университетінен саясаттану магистрі дәрежесін және Гаагадағы Клингендаэль институтынан сыртқы байланыстар мамандығында білім алды. Сонымен қатар Схермерс мырза бес тілді жетік меңгерген. Нидерланд Корольдігінің Қазақстандағы Елшісі болып тағайындалғанға дейін Нидерланд Корольдігінің Армения Республикасындағы Елшісі қызметін атқарды.
